នាយករដ្ឋមន្ត្រីស្លូវ៉ាគីលោក Robert Fico បាននិយាយថា ប្រទេសរុស្ស៊ី គឺជាអ្នកផ្គត់ផ្គង់ឧស្ម័នធម្មជាតិរាវ (LNG) ដ៏សំខាន់ ទៅកាន់អឺរ៉ុប។

លោកបានប្រាប់ទូរទស្សន៍TA-3របស់ស្លូវ៉ាគីថា៖«បច្ចុប្បន្ននេះ ប្រទេសរុស្ស៊ី គឺជាការផ្គត់ផ្គង់ឧស្ម័នរាវដ៏ធំបំផុតទី២ ទៅកាន់អឺរ៉ុប» ។ លោកបានរិះគន់គោលនយោបាយរបស់សហភាពអឺរ៉ុប ក្នុងការកាត់បន្ថយការនាំចូលថាមពលរបស់រុស្ស៊ី ទៅកាន់បណ្តាប្រទេស EU ហើយបានសង្កត់ធ្ងន់ថា ប្រទេសរបស់លោក ចាប់អារម្មណ៍លើការផ្គត់ផ្គង់ប្រភពថាមពលតម្លៃថោកពីរុស្ស៊ី។

យោងតាមលោកនាយករដ្ឋមន្ត្រីស្លូវ៉ាគី បានឲ្យដឹងថា ការហាមឃាត់ការនាំចូលថាមពលរបស់រុស្ស៊ី គឺជាការប៉ុនប៉ង «រឹតបន្តឹង» មួយទៀត។ លោកបាននិយាយថា៖«នេះគឺជាគោលនយោបាយផ្លូវការនៃការបង្កើត   «របាំងដែក»ថ្មីរវាងអឺរ៉ុប រុស្ស៊ី និងភាគខាងកើត។ លោកបានបន្ថែមថា «សង្រ្គាម [នៅអ៊ុយក្រែន] ទីបំផុត នឹងបញ្ចប់ ប៉ុន្តែតើយើងនឹងធ្វើអ្វីទៀត? តើយើងដំឡើងរបាំងដែកប្រវែង១០០ម៉ែត្របន្ថែមទៀតឬយ៉ាងណា?»។