នៅថ្ងៃចន្ទនេះ កងទ័ពឥណ្ឌានៅទីក្រុងភាគខាងជើង Amritsar បានបង្ហាញបំណែកយានដ្រូន និងមីស៊ីលជាច្រើនដែលពួកគេនិយាយថា បានបាញ់ចេញពីប្រទេសប៉ាគីស្ថាន ។

លោក Kartik C Seshadri គឺជាឧត្តមសេនីយកងទ័ពឥណ្ឌា និយាយថា ពួកគេបានប្រើប្រាស់អាវុធការពារដែនអាកាសទំនើប និងមីស៊ីល ដើម្បីបាញ់ស្កាត់យានដ្រូនដែលត្រូវបានបាញ់បង្ហោះដោយប៉ាគីស្ថានមកលើប្រាសាទមាសដែលជាទីសក្ការៈបូជាដ៏ពិសិដ្ឋបំផុតនៅតំបន់ Sikhism កាលពីថ្ងៃទី ៨ ខែឧសភាកន្លងទៅ ។

បំណែកនេះ រួមទាំងប្រព័ន្ធបាញ់រ៉ុក្កែតចម្រុះកាណុងផលិតនៅចិន និងយានដ្រូន YIHA មានប្រភពដើមមកពីប្រទេសទួរគី ។ 

កងទ័ពឥណ្ឌាបានអួតពីសមត្ថភាពយោធារបស់ខ្លួនផងដែរ ជាមួយនឹងបង្ហាញប្រព័ន្ធការពារដែនអាកាសខុសប្លែកគ្នាជាច្រើនប្រភេទដែលត្រូវប្រើប្រាស់ដោយទាហាន ប្រយុទ្ធនឹងការវាយប្រហារតាមច្រកអាកាសពីប៉ាគីស្ថាន ។

គួរឲ្យដឹងថា ទីក្រុងញូវដែល្លី និងអ៊ីស្លាម៉ាបាដ បានផ្ទុះអាវុធដាក់គ្នារយៈពេល ៤ថ្ងៃ មុនពេលមានបទឈប់បាញ់កាលពីថ្ងៃទី ១០ ខែឧសភា ស្របពេលដែលប្រទេសបច្ចាមិត្តចាស់ទាំង ២ វាយប្រហារលើគោលដៅយោធាគ្នាទៅវិញទៅមក ដោយប្រើប្រាស់យានដ្រូន និងមីស៊ីល និងសម្លាប់ជនស៊ីវិលរាប់សិបនាក់ បន្ទាប់ពីការវាយប្រហារសម្លាប់ភ្ញៀវទេសចរហិណ្ឌូ ២៦នាក់ នៅតំបន់កាស្មៀរ គ្រប់គ្រងដោយប្រទេសឥណ្ឌា ។

កងទ័ពឥណ្ឌា និយាយថា ពួកគេបានត្រៀមខ្លួនរួចរាល់ក្នុងការប្រយុទ្ធគ្រប់ការគំរាមកំហែងទាំងអស់បង្កឡើងដោយគូសត្រូវ ៕