តុលាការកំពូលរបស់សហរដ្ឋអាមេរិក បានអនុញ្ញាតឱ្យរដ្ឋបាលរបស់លោក Donald Trump បញ្ចប់ស្ថានភាពការពារបណ្តោះអាសន្នសម្រាប់ប្រជាជនវេណេស៊ុយអេឡា។ 

ជនអន្តោប្រវេសន៍វេណេស៊ុយអេឡា រាប់សែននាក់ ត្រូវបានអនុញ្ញាតឱ្យបន្តស្នាក់នៅក្នុងសហរដ្ឋអាមេរិកដោយអ្នកកាន់តំណែងមុនរបស់លោក Trump គឺលោក Joe Biden។ កាលពីថ្ងៃច័ន្ទ តុលាការបានផ្តល់សំណើររបស់ក្រសួងយុត្តិធម៌ ដើម្បីដកសេចក្តីបង្គាប់របស់តុលាការជាន់ទាប ដែលបានបញ្ចប់ការសម្រេច របស់រដ្ឋមន្ត្រីសន្តិសុខមាតុភូមិ លោក Kristi Noem ដើម្បីលុបចោលការការពារដែលផ្តល់ដល់ប្រជាជនវេណេស៊ុយអេឡា។

ស្ថានភាពដែលត្រូវបានការពារបណ្តោះអាសន្ន ឬ TPS គឺជាការកំណត់ផ្នែកមនុស្សធម៌ ក្រោមច្បាប់របស់សហរដ្ឋអាមេរិក សម្រាប់ប្រទេសដែលរងគ្រោះដោយសង្រ្គាម គ្រោះធម្មជាតិ ឬគ្រោះមហន្តរាយផ្សេងៗ ដោយផ្តល់ឱ្យអ្នកដែលរស់នៅក្នុងសហរដ្ឋអាមេរិកនូវការការពារការនិរទេស និងការទទួលបានប័ណ្ណការងារ។ 

ក្រសួងសន្តិសុខមាតុភូមិ បាននិយាយថាប្រជាជនវេណេស៊ុយអេឡាជិត ៣៥០.០០០នាក់ ត្រូវបានចុះឈ្មោះក្រោមការរៀបចំស្ថានភាពដែលត្រូវបានការពារបណ្តោះអាសន្ន(TPS) ក្នុងឆ្នាំ២០២៣ របស់លោក Biden ។ ចំណាត់ការបញ្ចប់ការការពារនេះ ធ្វើឡើងនៅពេលដែល លោក Trump មានផែនការបង្កើនការនិរទេស ជាផ្នែកមួយនៃវិធីសាស្រ្តប្រកាន់តឹងរបស់លោក ចំពោះការធ្វើអន្តោប្រវេសន៍។