រដ្ឋមន្ត្រីការពារជាតិអាមេរិកលោក Pete Hegseth បាននិយាយថា យោធាអាមេរិកកំពុងបង្វែរការយកចិត្តទុកដាក់ទៅលើតំបន់ ឥណ្ឌូ-ប៉ាស៊ីហ្វិក ដើម្បីទប់ទល់ការកើនឡើងឥទ្ធិពលដ៏ខ្លាំងក្លារបស់ប្រទេសចិន។

ក្នុងការបង្ហាញមុខ នៅលើទូរទស្សន៍ Fox News កាលពីថ្ងៃទី១៩ ឧសភា លោក Hegseth បាននិយាយថា មន្ទីរបញ្ចកោណផ្តោតលើវិធីដែលយោធាសហរដ្ឋអាមេរិកគួរតែប្រឆាំងនឹងសមត្ថភាពយោធារបស់ប្រទេសចិន នៅក្នុងសង្គ្រាមសម័យទំនើបដែលផ្តោតលើបច្ចេកវិទ្យាទំនើប រួមទាំងបញ្ញាសិប្បនិម្មិត និងយានដ្រូន។

លោក Hegseth បាននិយាយថា អាមេរិក កំពុងបង្កើតទ្វេគ្រោះសម្រាប់ពួកគេនៅគ្រប់កម្រិត ។ពួកគេត្រូវបញ្ចូលកត្តាបន្ថែមទៀតទៅក្នុងការគណនារបស់ពួកគេនូវអ្វីដែលពួកលោកនឹងធ្វើ ដោយផ្អែកលើគុណសម្បត្តិបច្ចេកវិទ្យាដែលពួកលោកមានច្រើនជាងពួកគេ។

កាលពីខែមីនា លោក Hegseth បានធ្វើដំណើរទៅកាន់កោះ Guam កោះ Hawaii ប្រទេសជប៉ុន និងប្រទេសហ្វីលីពីន ដែលជាដំណើរលើកដំបូងរបស់លោកទៅកាន់ទ្វីបអាស៊ី ចាប់តាំងពីចូលកាន់តំណែង។ក្នុងប្រទេសជប៉ុន ដែលជាការឈប់សំចតចុងក្រោយរបស់លោក រដ្ឋមន្ត្រីការពារជាតិរូបនេះ បានប្រកាសថា មន្ទីរបញ្ចកោណបានចាប់ផ្តើមធ្វើឱ្យប្រសើរឡើងនូវកងកម្លាំងអាមេរិក -ជប៉ុន ទៅកាន់ទីបញ្ជាការកងកម្លាំងរួម ដោយនិយាយថា ការធ្វើឱ្យប្រសើរឡើងនឹងបង្កើនសមត្ថភាពរបស់សហរដ្ឋអាមេរិកក្នុងការសម្របសម្រួលប្រតិបត្តិការ ជាមួយបញ្ជាការប្រតិបត្តិការរួមរបស់ប្រទេសជប៉ុន។

លោក Hegseth បាននិយាយនៅក្នុងប្រទេសជប៉ុនថា នោះក៏បង្កើនការត្រៀមខ្លួនរបស់ពួកលោកក្នុងការឆ្លើយតបទៅនឹងភាពអាសន្ន ឬវិបត្តិ ការគាំទ្រប្រតិបត្តិការរបស់សហរដ្ឋអាមេរិក និងជួយកងកម្លាំងជប៉ុន និងសហរដ្ឋអាមេរិកការពារទឹកដីនេះ៕