ហែលទឹក៖ ការប្រកួតកីឡាហែលទឹកជ្រើសរើសជើងឯកពិភពលោកឆ្នាំ២០២១ នូវប្រភេទអាងហែលទឹក ២៥ម៉ែត្រនៅទីក្រុងអាប៊ូដាប៊ី ប្រទេសអារ៉ាប់រួមនឹងចាប់ផ្ដើមការប្រកួតថ្ងៃនេះហើយ ស្របពេលកីឡាករកម្ពុជា ម៉ាត់ថេរ ហ្វ្រេងតារាបេននីឈី ក៏នឹងធ្វើការប្រកួតដំបូងរបស់ខ្លួនផងដែរ។
កីឡាករខ្មែរ-អាមេរិករូបនេះនឹងប្រកួតលើវិញ្ញាសា ២០០ម៉ែត្រហែលរបៀបមេអំបៅ។ ម៉ាត់ថេរ ហ្វ្រេងតារាបេននីឈី គឺជាអត្តពលិកម្នាក់ក្នុងចំណោម ៤រូបដែលកម្ពុជាបានបញ្ជូនទៅចូលរួម ព្រឹត្តិការណ៍កីឡាហែលទឹកពិភពលោកនៅអាប៊ូដាប៊ី។ រីឯ ៣រូបទៀតគឺមានកីឡាការិនីខ្មែរ-អាមេរិក ម៉ីលិតាន មីននិក, កីឡាករ មនត្រស ផានសុវណ្ណអារុណ និងកីឡាការិនី កាំង មុយនីន។ ការប្រកួតកីឡាហែលទឹកជ្រើសរើសជើងឯកពិភពលោកឆ្នាំ២០២១ នូវប្រភេទអាងហែលទឹក ២៥ម៉ែត្រគ្រោងធ្វើការប្រកួតរយៈពេល ៦ថ្ងៃចាប់ពីថ្ងៃទី១៦-២១ ខែធ្នូខាងមុខ។
សហព័ន្ធខ្មែរកីឡាហែលទឹកនឹងបញ្ជូនកីឡាករ-កីឡាការិនី ៤រូបចូលរួមប្រកួតជ្រើសរើសជើងឯកពិភពលោកចាប់ពីថ្ងៃទី១៦ ដល់ថ្ងៃទី២១ ខែឆ្នូខាងមុខ។ លោក ហែម គិរី អគ្គលេខាធិការសហព័ន្ធបានបញ្ជាក់ថា ការចូលរួមប្រកួតនេះមិនផ្ដោតសំខាន់លើលទ្ធផលពេកនោះទេ អ្វីដែលសំខាន់គឺសិទ្ធផលរបស់កីឡាករ-កីឡាការិនីម្នាក់ដើម្បីសម្រួចទិសដៅឆ្ពោះទៅស៊ីហ្គេមឆ្នាំ២០២២ នៅវៀតណាមផង និងស៊ីហ្គេម ឆ្នាំ២០២៣ នៅកម្ពុជាផង៕
អត្ថបទ៖ លី ឈុនឡា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
