ប្រទេសរុស្ស៊ី បាននិយាយកាលពីថ្ងៃពុធថា អង្គភាពការពារដែនអាកាសរបស់ខ្លួន បានបាញ់ទម្លាក់យានដ្រូន របស់អ៊ុយក្រែនជាង ២៦០គ្រឿង រួមទាំងមួយចំនួនបានចូលទៅជិតទីក្រុងមូស្គូ ហើយអាកាសយានដ្ឋានក្នុងរដ្ឋធានីនេះ ត្រូវបានបិទមួយរយៈពេលខ្លី ដើម្បីធានាសុវត្ថិភាពនៃការហោះហើរ។

ពុំមានរបាយការណ៍ពីអ្នកស្លាប់និងរបួសទេ។

នៅពេលដែលរុស្ស៊ី អ៊ុយក្រែន សហរដ្ឋអាមេរិក និងមហាអំណាចអឺរ៉ុប ពិភាក្សាគ្នាអំពីវិធី ដើម្បីបញ្ចប់ជម្លោះដែ លអូសបន្លាយជាង ៣ឆ្នាំ នៅអ៊ុយក្រែន ការប្រយុទ្ធគ្នា បានកើនឡើងកាន់តែខ្លាំង នៅលើផ្នែកខ្លះនៃខ្សែត្រៀមជួរមុខ ហើយសង្រ្គាមយានដ្រូន បាននិងកំពុងបន្ត។

នៅក្នុងសេចក្តីប្រកាសជាបន្តបន្ទាប់ ក្រសួងការពារជាតិរុស្ស៊ី បាននិយាយនៅលើបណ្តាញសង្គម Telegramថា យ៉ាងហោចណាស់យានដ្រូនអ៊ុយក្រែនចំនួន ២៦២គ្រឿង ត្រូវបានស្ទាក់ចាប់ ឬបំផ្លាញកាលពីថ្ងៃពុធ។ ភាគច្រើន គឺស្ថិតនៅលើតំបន់ភាគខាងលិចរបស់រុស្ស៊ីជាប់ព្រំដែនអ៊ុយក្រែន និងភាគ     កណ្តាលរុស្ស៊ី។

ប៉ុន្តែយានដ្រូនខ្លះ បានចូលទៅជិតតំបន់មូស្គូ ដែលមានប្រជាជន ២១លាននាក់រស់នៅ។ អាកាសយានដ្ឋានធំៗទាំងបី ក្នុងតំបន់នេះ បានផ្អាកជើងហោះហើរមួយរយៈពេលខ្លី បន្ទាប់មកបានដំណើរការឡើង    វិញ។