កូនប្រុសច្បងរបស់លោកប្រធានាធិបតីអាមេរិក ដូណាល់ ត្រាំ (Donald Trump) គឺលោក Donald Trump Jr. បាននិយាយថា ប្រទេសអារ៉ាប់នៃឈូងសមុទ្រពែក្ស ផ្តល់នូវលទ្ធភាពនៃការវិនិយោគ ដែលមានផលចំណេញច្រើនជាងបណ្តារដ្ឋនៅអឺរ៉ុបខាងលិច។

លោកបានថ្លែងនៅវេទិកាសេដ្ឋកិច្ចកាតា (Qatar Economic Forum) នៅក្នុងទីក្រុង Doha ថា៖«ខ្ញុំគិតថា ប្រសិនបើអ្នកនិយាយកាលពី ១៥-២០ឆ្នាំមុនថា អ្នកមានការវិនិយោគកម្រិតនេះ នៅមជ្ឈិមបូព៌ា ខ្ញុំគិតថា មនុស្សទូទៅ នឹងគិតថា អ្នកឆ្កួត។ ខ្ញុំគិតថា ប្រសិនបើអ្នកក្រឡេកមើលការប្រៀបធៀបនៅទីនេះ ទៅនឹងអ្វីដែលកំពុងកើតឡើង នៅអឺរ៉ុបខាងលិច ទីនេះគឺជាកន្លែងដែលមានការវិនិយោគសមហេតុផល។ ប្រជាជនកំពុងធ្វើការយ៉ាងលំបាក»។

កូនប្រុសរបស់មេដឹកនាំអាមេរិករូបនេះ បានបន្ថែមថា៖«អ្នកមិនដោះស្រាយជាមួយបរិយាកាសដ៏តឹងតែង ដែលគាបសង្កត់ខ្លាំងពេក រហូតដល់អ្នកមិនអាចគិតឃើញនោះ»។