ប្រជាពលរដ្ឋអាហ្វ្រិកខាងត្បូង បានធ្វើការច្រានចោលទាំងស្រុងចំពោះអំណះអំណាងរបស់ប្រធានាធិបតីសហរដ្ឋអាមេរិកលោក Donald Trump ពីការប្រល័យពូជសាសន៍ជនជាតិស្បែកស.នៅថ្ងៃព្រហស្បតិ៍នេះ បន្ទាប់ពីជំនួបប្រឈមមុខដាក់គ្នារបស់លោកជាមួយប្រធានាធិបតីអាហ្វ្រិកខាងត្បូងលោក Cyril Ramaphosa នៅសេតវិមានកាលពីយប់មិញ ។

ជំនួបផ្សាយតាមកញ្ចក់ទូរទស្សន៍នេះ បង្កឲ្យមានការជជែកដេញដោលច្រើននៅអាហ្វ្រិកខាងត្បូង ពីតម្រូវការបញ្ជាក់ផ្ទៀងផ្ទាត់ឆាប់រហ័សលើការយល់ខុស ពាក់ព័ន្ធនឹងការសម្លាប់រង្គាល និងការរឹបអូសពីជនជាតិស្បែកស ។

អាហ្វ្រិកខាងត្បូងស្ថិតក្នុងចំណោមប្រទេសមានអត្រាឃាតកម្មខ្ពស់បំផុតនៅលើពិភពលោក ប៉ុន្តែភាគច្រើននៃជនរងគ្រោះ គឺជាជនជាតិស្បែកខ្មៅប៉ុណ្ណោះ ។

លោក Ramaphosa សង្ឃឹមថានឹងប្រើប្រាស់ជំនួបកាលពីថ្ងៃពុធ ដើម្បីកំណត់ឡើងវិញំនាក់ទំនប្រទេសរបស់លោកជាមួយសហរដ្ឋអាមេរិក ក្រោយលោក Trump លុបចោលជំនួយត្រូវការច្រើន ផ្តល់ជម្រកដល់ជនជាតិភាគតិចស្បែកស.អាហ្វ្រិក បណ្តេញឯកអគ្គរដ្ឋទូតអាហ្វ្រិកខាងត្បូង ហើយនិងរិះគន់ករណីនៅតុលាការព្រហ្មទណ្ឌអន្តរជាតិរបស់ពួកគេប្រឆាំងអ៊ីស្រាអែល ។ 

លោក Sabelo Motha គឺជាពលរដ្ឋអាហ្រ្វិកខាងត្បូងមួយរូប និយាយថា ពួកយើងស្គាល់កន្លែងដែលពួកយើងឈរ ពួកយើងគឺជាជនជាតិអាហ្វ្រិកខាងត្បូង ពួកយើងដឹងថាគ្មានការប្រល័យពូជសាសន៍លើជនជាតិស្បែកស.នោះទេ ៕