ថ្ងៃទី២៥ ខែឧសភា ឆ្នាំ២០២៥ ចាប់ពីម៉ោង១២ ថ្ងៃត្រង់តទៅ បេក្ខជន៤១រូប នឹងត្រូវប្រឡងប្រជែងគ្នាក្នុងដំណាក់កាលវិញ្ញាសាសរសេរលើកទី២ (វិញ្ញាសាអធិប្បាយ) ដើម្បីក្លាយជាមន្ត្រីច្បាប់ បម្រើការងារនៅអគ្គលេខាធិការដ្ឋានក្រុមប្រឹក្សាអ្នកច្បាប់ ក្នុងក្របខណ្ឌទីស្តីការគណៈរដ្ឋមន្ត្រី។ បេក្ខជនទាំង៤១រូប (ស្រី ១៨នាក់) សុទ្ធតែជាបេក្ខជនដែលបានប្រឡងជាប់វិញ្ញាសាសរសេរលើកទី១ ក្នុងចំណោមបេក្ខជនសរុប៥០៧ នាក់ កាលពីថ្ងៃទី១៨ ខែឧសភា ឆ្នាំ២០២៥។

ការប្រឡងប្រជែងនារសៀលនេះ គឺជាវិញ្ញាសាសរសេរអធិប្បាយ ដោយត្រូវបែងចែកចេញជា ២វគ្គ។ វគ្គទី១ មានរយៈពេល ៣ម៉ោង (ចាប់ពីម៉ោង ១២:០០នាទី ដល់ម៉ោង ១៥:០០នាទី) ប្រឡងលើជំនាញបីផ្សេងគ្នា តាមគុណវុឌ្ឍិនៃមុខតំណែងដែលជ្រើសរើស រួមមាន៖ ជំនាញនីតិសាធារណៈ ជំនាញនីតិឯកជន និងជំនាញនីតិអន្តរជាតិ។ វគ្គទី២ មានរយៈពេល ២ម៉ោង (ចាប់ពីម៉ោង ១២:០០នាទីដល់ម៉ោង ១៥:០០នាទី) ប្រឡងលើវិញ្ញាសាអធិប្បាយចំណេះដឹងទូទៅ។