ក្រុមហ៊ុន Honda Motor របស់ប្រទេសជប៉ុន បាននិយាយថា ក្រុមហ៊ុនមានផែនការបង្កើនការផលិតរថយន្ត hybrid នៅក្នុងសហរដ្ឋអាមេរិក។ ម៉ូឌែល Hybrid កំពុងពេញនិយមនៅក្នុងប្រទេសនោះ។ ក្រុមហ៊ុន Honda ផលិតរថយន្តប្រហែល ២៥០.០០០គ្រឿងក្នុងមួយឆ្នាំនៅរោងចក្រមួយកន្លែងនៅរដ្ឋ Indiana ភាគខាងលិចសហរដ្ឋអាមេរិក។ រថយន្ត Hybrid មានចំនួន៦០ភាគរយត្រូវបានផលិតនៅរោងចក្រនោះ។

ក្រុមហ៊ុន Honda រំពឹងថា រថយន្ត Hybrid នឹងកាន់តែមានប្រជាប្រិយភាពនៅសហរដ្ឋអាមេរិក ហើយមានផែនការពង្រឹងការផលិតនៅរោងចក្រ រួមទាំងការបង្កើនចំនួនម៉ូឌែលផងដែរ។ ក្រុមហ៊ុន ផលិតរថយន្តមួយនេះ ក៏មានផែនការពង្រីកការទិញគ្រឿងបន្លាស់រថយន្តដែលផលិតនៅសហរដ្ឋអាមេរិកផងដែរ ដោយយោងតាមវិធានការដំឡើងពន្ធដោយរដ្ឋបាលរបស់លោកប្រធានាធិបតី Donald Trump ។

លោក Shimizu Daisuke នាយកគ្រប់គ្រងរោងចក្ររបស់ក្រុមហ៊ុន Honda បាននិយាយថា ក្រុមហ៊ុនកំពុងផ្តោតលើការបង្កើនការផលិតរថយន្តHybrid ដែលតម្រូវការត្រូវបានគេរំពឹងថានឹងកើនឡើងបន្ថែមទៀតនៅអាមេរិកខាងជើង។

លោកនិយាយ ថាក្រុមហ៊ុនកំពុងបង្កើតប្រព័ន្ធផលិតកម្មដ៏ល្អប្រសើរមួយ ខណៈកំពុងពិនិត្យគោលនយោបាយដំឡើងពន្ធរបស់សហរដ្ឋអាមេរិក។ ក្រុមហ៊ុនផលិតរថយន្តជាច្រើន កំពុងពិនិត្យមើលប្រព័ន្ធផលិតកម្ម និងយុទ្ធសាស្ត្រលក់របស់ខ្លួន ដោយសារការធ្លាក់ចុះនៃការលក់រថយន្តអគ្គិសនី បន្ថែមពីលើវិធានការដំឡើងពន្ធរបស់រដ្ឋបាល លោក Trump ។