នៅថ្ងៃចន្ទនេះ វិមានក្រឹមឡាំងនិយាយថា អំណះអំណាងរបស់ប្រធានាធិបតីសហដ្ឋអាមេរិកលោក Donald Trump ថាលោក Vladimir Putin ផ្តេសផ្តាសខ្លាំងនោះ អាចជាបន្ទុកផ្លូវចិត្ត ប៉ុន្តែពួកគេសូមអរគុណមេដឹកនាំសហរដ្ឋអាមេរិករូនេះ សម្រាប់ជំនួយរបស់លោកក្នុងការដាក់ចេញការចរចាស្វែងរកសន្តិភាព ។

លោក Trump បាននិយាយថាលោក មិនសប្បាយចិត្តចំពោះលោក Putin ទេបន្ទាប់ពីរុស្ស៊ីបានទម្លាក់គ្រាប់បែកពីលើអាកាសដ៏ធំបំផុតរបស់ខ្លួនទៅលើអ៊ុយក្រែន ចាប់តាំងពីសង្រ្គាមបានចាប់ផ្តើមកាលពីឆ្នាំ ២០២២ ។ 

លោកបានហៅលោក Putinថាជាមនុស្សផ្ដេសផ្ដាសខ្លាំងណាស់ ។ លោកបានប្រាប់អ្នកសារព័ត៌មានថា រូបលោកមិនសប្បាយចិត្តនឹងអ្វីដែលមេដឹកនាំរុស្ស៊ី Putin កំពុងធ្វើនោះទេ។ លោកបានសម្លាប់មនុស្សជាច្រើន ហើយលោកមិនដឹងថាមានអ្វីកើតឡើងចំពោះ លោកPutin នោះទេ។

ពេលសួរពីអនុសាសន៍របស់លោក Trumpពីលោក Putin អ្នកនាំពាក្យវិមានក្រឹមឡាំងលោក Dmitry Peskov និយាយថា ពួកយើងពិតជាមានការដឹកគុណចំពោះពលរដ្ឋអាមេរិក និងលោកប្រធានាធិបតី Trumpសម្រាប់ជំនួយរបស់ពួកគេក្នុងការរៀបចំ និងដាក់ចេញដំណើរការចរចា ។

លោកបន្តថា ជាការពិតណាស់ថា នៅពេលតែមួយនេះ វាគឺជាពេលវេលាដ៏សំខាន់មួយពាក់ព័ន្ធនឹងបន្ទុកផ្លូវចិត្ត និងប្រតិកម្មផ្លូវចិត្ត ៕