រថយន្តដឹកជំនួយមនុស្សធម៌សម្រាប់តំបន់ហ្កាហ្សា ត្រូវបានគេមើលឃើញរង់ចាំនៅច្រកព្រំដែន Kerem Shalom នៅប្រទេសអ៊ីស្រាអែលនាថ្ងៃចន្ទនេះ ។

កញ្ចប់ជំនួយរួមទាំងម៉្សៅស្រូវសាលី ប្រេង និងអាហារកំប៉ុង ត្រូវបាននាំទៅកាន់ទីតាំងពិសេសមុនពេលលើកដាក់លើរថយន្ត ដើម្បីដឹកចូលទៅកាន់តំបន់ហ្កាហ្សា ។

ជំនួយមនុស្សធម៌បានចាប់ផ្តើមដឹកជញ្ជូនបន្តិចម្តងៗចូលទៅក្នុងតំបន់ហ្កាហ្សានារយៈពេលប៉ុន្មានថ្ងៃចុងក្រោយនេះ ក្រោយអ៊ីស្រាអែលស្របតាមសម្ពាធអន្តរជាតិ បន្ទាប់ពីការបិទច្រកចាប់តាំងពីដើមខែមីនារហូតមក ។

អ៊ីស្រាអែល បានចោទប្រកាន់ក្រុមហាម៉ាសថាបានលួចជំនួយ តែក្រុមមួយនេះ ធ្វើការច្រានចោន ហើយនិងរារាំងការចែកចាយជំនួយមនុស្សធម៌ទៅកាន់តំបន់ហ្កាហ្សា រហូតដល់ក្រុមហាម៉ាសដោះលែងចំណាប់ថ្នូរសេសសល់ទាំងអស់ដែលត្រូវបានចាប់យកទៅ អំឡុងការវាយប្រហាររបស់ពួកគេលើតំបន់សហគមន៍ភាគខាងត្បូងអ៊ីស្រាអែល ៕