ក្រុមកសិករនាំគ្នាបិទផ្លូវហាយវ៉េ និងនាំគ្នាតវ៉ានៅក្រៅសភានាថ្ងៃចន្ទនេះ អំពាវនាវឲ្យអនុម័តសេចក្តីស្នើច្បាប់ដកចេញការរឹតត្បិតលើពួកគេ ដោយគ្មានវិសោធនកម្មដោយក្រុមតំណាងរាស្រ្តនៅសភា ក្រោយវាត្រូវបានអនុម័តនៅព្រឹទ្ធសភា ។

បាតុកម្មដែលរៀបចំឡើងដោយក្រុមសហជីពកសិករវ័យក្មេង(JA) និងសមាគមកសិករជាតិ(FNSEA) បានធ្វើឡើង ពេលដែលក្រុមតំណាងរាស្រ្តនៅសភា ចាប់ផ្តើមជជែកដេញដោលសេចក្តីស្នើច្បាប់ខាងលើ ក្នុងនោះសមាគម FNSEA រៀបរាប់ថា ច្បាប់សាមញ្ញសម្រាប់កសិករត្រូវតែធ្វើតាម និងធ្វើឲ្យកសិកម្មបារាំងមានការប្រកួតប្រជែងជាងមុន ។

លោក Julien Thierry គឺជាកសិករមួយរូបមកពីស្រុក Yvelines ស្ថិតនៅក្រៅទីក្រុងប៉ារីស និយាយថា ក្រុមតំណាងរាស្រ្តមកពីគណបក្សនិយមឆ្វេង France Unbowed និង Greens កំពុងព្យាយាមធ្វើវិសោធនកម្មសេចក្តីស្នើច្បាប់ តាមវិធីដែលនឹងមិនជួយដល់កសិករ ។

លោក Thierry បន្តថា ពួកយើងស្នើសុំដល់ក្រុមតំណាងរាស្រ្ត ក្រុមតំណាងរាស្រ្តរបស់ពួកយើង ត្រូវតែម៉ឺងម៉ាត់ និងបោះឆ្នោតឲ្យដូចដែលវាមានស្រាប់ ៕