​កូរ៉េខាងជើង​៖ ប្រជាជន​កូរ៉េខាងជើង​ដែល​ពាក់​ម៉ាស់​គ្រប់ៗ​គ្នា​កាលពី​ថ្ងៃ​ព្រហស្បតិ៍ ​បាន​ធ្វើ​តាម​ទម្លាប់​របស់​ពួកគេ​ក្នុង​ការ​គោរព​ចំពោះ​អតីត​មេដឹកនាំ​ Kim Jong Il ដែល​បាន​ទទួល​មរណភាព​កាលពី ​១០​ឆ្នាំមុន ដែល​មាន​រយៈពេល​ ១០​ឆ្នាំ​គត់​នៅ​ថ្ងៃ​សុក្រ​នេះ​។​ ​សារព័ត៌មាន​រដ្ឋ​កូរ៉េខាងជើង​បាន​ប្រកាស​ថា លោក Kim Jong-il មេដឹកនាំ​ដ៏​អស្ចារ្យ​របស់​ពួកគេ​បាន​ស្លាប់​នៅ​ក្នុង​វ័យ​ ៦៩​ឆ្នាំ​នៅ​ថ្ងៃ​ទី​១៩ ខែ​ធ្នូ ឆ្នាំ​២០១១​។

ហ្វូង​មនុស្ស​បាន​ឡើង​ភ្នំ Mansu កាលពី​យប់​ថ្ងៃ​ព្រហស្បតិ៍ក្នុង​ពេល​មាន​អាកាសធាតុ​ចុះ​ត្រជាក់ ​នៅមុន​ថ្ងៃ​គម្រប់​ខួប​ ១០ឆ្នាំ​នៃ​ការ​ស្លាប់​របស់​លោក Kim។​ អ្នកស្រី Ri Yong Hui ជា​ពលរដ្ឋ​ក្រុង​ព្យុងយ៉ាងបាន​និយាយ​នៅ​ក្នុង​ពិធី​នោះ​ថា "​ពាក្យ​ចាស់​លោក​ថា ពេលវេលា​ដើរ​ទៅ​មុខ ហើយ​អ្វីៗ​ផ្លាស់ប្ដូរ ប៉ុន្តែ​ទោះបីជា​ពេលវេលា​បន្ត​ដើរ​ទៅ​មុខ​ក៏ដោយ យើង​នៅតែ​នឹករលឹក​ដល់​ឧ​ត្ត​ម​សេនីយ៍​របស់​យើង​"។​ ចាប់​តាំង​ពី​ការ​ស្នង​អំណាច​បន្ត​បន្ទាប់ពី​ការ​ស្លាប់​របស់​ឪពុក​លោក និង​ជា​មេដឹកនាំ​ដ៏​យូរលង់​របស់​លោក Kim Jong Il លោក Kim Jong Un បាន​គ្រប់គ្រង​ប្រទេស​ឯកោ​ដោយ​អំណាច​ផ្តាច់ការ ពង្រីក​ឃ្លាំង​អាវុធ​នុយក្លេអ៊ែរ​ដ៏​ម៉ឺងម៉ាត់ និង​ក្លាយ​ជា​មេដឹកនាំ​ដំបូង​របស់​កូរ៉េខាងជើង ដែល​រៀបចំ​កិច្ចប្រជុំ​កំពូល​ជាមួយ​ប្រធានាធិបតី​អាមេរិក​ កំពុង​កាន់​តំណែងគឺ​អតីត​ប្រធានាធិបតី​ Donald Trump។​ នៅ​ពេល​ឡើង​កាន់អំណាច​កាលពី ១០​ឆ្នាំមុនលោក Kim Jong Un ដែល​កាលណោះ​មាន​អាយុ​ទើបបាន ២៧​ឆ្នាំបាន​បង្រួបបង្រួម​អំណាច​របស់​លោក​យ៉ាង​ឆាប់រហ័ស ​ដោយ​រៀបចំ​ផែនការ​នៃ​ការចាត់តាំង​ការងារ​ប្រទេសជាតិ និង​ការ​ប្រហារជីវិត​ដ៏​ឃោរឃៅ ដែល​បាន​ដក​គូប្រជែង​ដែល​មានសក្តានុពល​រួម​ទាំង​ពូ​ដ៏​មានអំណាច​របស់​លោក​ផង​ដែរ​៕

អត្ថបទ៖ សុខមាន