នាយករដ្ឋមន្ត្រីវៀតណាម លោក Pham Minh Chính និងបណ្ដាមេដឹកនាំនៃរដ្ឋសមាជិកអាស៊ានផ្សេងទៀតកាលពីថ្ងៃចន្ទដើមសប្ដាហ៍នេះ បានចុះហត្ថលេខាលើសេចក្តីប្រកាសទីក្រុងគូឡាឡាំពួដែលមានចំណងជើងថា "អាស៊ាន ២០៤៥: អនាគតរួមគ្នារបស់យើង" បានអនុម័តចក្ខុវិស័យសហគមន៍អាស៊ានឆ្នាំ ២០៤៥ រួមជាមួយនឹងយុទ្ធសាស្រ្តចំនួនបួនស្តីពីនយោបាយ-សន្តិសុខ សេដ្ឋកិច្ច វប្បធម៌-សង្គម និងការផ្សាភ្ជាប់ទំនាក់ទំនង។   

ការចុះហត្ថលេខា និងអនុម័តឯកសារយុទ្ធសាស្ត្រទាំងនេះ គឺជាព្រឹត្តិការណ៍ប្រវត្តិសាស្ត្រ បើកទំព័រថ្មីនៃការអភិវឌ្ឍន៍អាស៊ានក្នុងដំណើរនៃសមាហរណកម្មតំបន់ក្នុងរយៈពេលពីរទសវត្សរ៍ខាងមុខ ដោយបញ្ជាក់ពីការតាំងចិត្ត និងប្តេជ្ញាចិត្តរបស់ប្រទេសទាំងនោះ ឆ្ពោះទៅរកអាស៊ានដែលពឹងផ្អែកលើខ្លួនឯង ស្វាហាប់  ច្នៃប្រឌិត និងយកប្រជាជនជាធំ ។   

ថ្លែងក្នុងពិធីចុះហត្ថលេខានេះ នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម (Anwar Ibrahim) ប្រធានអាស៊ានឆ្នាំ ២០២៥ បានរំលឹកឡើងវិញនូវការប្តេជ្ញាចិត្តរបស់សមាជិកស្ថាបនិកជិត ៦០ ឆ្នាំមុន ដើម្បីលើកកម្ពស់មិត្តភាព សាមគ្គីភាព និងកិច្ចសហប្រតិបត្តិការ ធានាថាប្រជាជន និងមនុស្សជំនាន់ក្រោយរស់នៅក្នុងសន្តិភាព សេរីភាព និងវិបុលភាព។ ពិធីចុះហត្ថលេខាលើសេចក្តីប្រកាសទីក្រុងគូឡាឡាំពួថ្ងៃនេះ គឺជាការអនុវត្ដឡើងវិញនូវការសន្យាដ៏ពិសិដ្ឋនោះ មិនត្រឹមតែជាការរំលឹកដល់អតីតកាលប៉ុណ្ណោះទេ ថែមទាំងជាកិច្ចព្រមព្រៀងរស់នៅជាមួយអនាគតផងដែរ។

ដំណើរការនៃការកសាងចក្ខុវិស័យសហគមន៍អាស៊ានឆ្នាំ ២០៤៥ (ASEAN Community Vision 2045)  ត្រូវបានចាប់ផ្តើមកាលពី៥ ឆ្នាំមុន ដោយផ្តើមចេញពីគំនិតផ្តួចផ្តើមរបស់វៀតណាមក្នុងឱកាសធ្វើជាប្រធានអាស៊ានឆ្នាំ២០២០ ស្តីពីទិសដៅអភិវឌ្ឍន៍ក្រោយឆ្នាំ ២០២៥ របស់អាស៊ាន ដែលនាំអាស៊ានប្រកបដោយទំនុកចិត្តទៅកាន់ដំណាក់កាលអភិវឌ្ឍន៍ថ្មី៕