នៅក្នុងសំពត់តង់ស្ថិតក្នុងទីក្រុងហ្កាហ្សា ក្មេងប្រុសប៉ាឡេស្ទីនវ័យ ១៦ឆ្នាំ Ahmed Al-Ghalban រំឭកដល់ថ្ងៃដែលរូបគេជាកីឡាករកាយសម្ព័ន្ធ មុនពេលបាត់បង់ជើងទាំងទ្វេ និងដៃម្ខាងនៅក្នុងការវាយប្រហាររបស់អ៊ីស្រាអែល ។

ដោយសំដៅលើបងប្អូនភ្លោះ Mohammed ក្មេងប្រុស Al-Ghalban និយាយថា ខ្ញុំធ្លាប់ដើរបាន លេងបាល់ទាត់ និងលេងកាយសម្ព័ន្ធ ពួកយើងបានធ្វើសកម្មភាពទាំងអស់នេះជាមួយគ្នា ។

ក្មេងប្រុសនិយាយថា ពួកគេចាប់ផ្តើមលេងកីឡាកាយសម្ព័ន្ធនៅអាយុ ៧ឆ្នាំ ហើយក្រោយមកពួកគេសម្តែងនៅក្នុងកម្មវិធីនៅទូទាំងតំបន់ហ្កាហ្សា ។

ក្មេងប្រុសបន្តថា នៅថ្ងៃទី ២២ ខែមីនា គ្រូសាររបស់ខ្ញុំបានរត់ទៅផ្លូវនៅជំរំ Beit Lahiya អំឡុងការបញ្ជាឲ្យជម្លៀសខ្លួន ហើយនិងត្រូវគ្រាប់កាំភ្លើងធំ ។ បងប្រុសភ្លោះ Mohammed ឪពុកមា និងប្អូនជីដូនមួយអាយុ ៦ឆ្នាំ ត្រូវបានសម្លាប់នៅក្នុងការវាយប្រហារនោះ ។

ក្មេងប្រុស Al-Ghalban និយាយថា ខ្ញុំសង្ឃឹមថានឹងអាចទៅបរទេសដើម្បីទទួលបានការព្យាបាល និងទទួលបានអវៈយវៈសិប្បនិម្មិត ដើម្បីអាចដើរបានម្តងទៀត ។

ក្មេងប្រុសបញ្ជាក់ថា មុនពេលរងរបួស ខ្ញុំតែងតែបន់ដល់ព្រះថា បើសិនជាឲ្យខ្ញុំរងរបួស មិនមែនជាទុក្ករបុគ្គល សូមកុំឲ្យមានរបួសនៅលើជើងរបស់ខ្ញុំ ពីព្រោះកីឡាដែលខ្ញុំលេង ជាកីឡារបាល់ទាត់ និងកីឡាកាយសម្ព័ន្ធ ដែលទាំងអស់នេះជើងរបស់ខ្ញុំប្រើប្រាស់ដើម្បីជួយខ្ញុំ ប៉ុន្តែនោះគឺវាសនាព្រះកំណត់ឲ្យ សូមលើកតម្កើនព្រះ ជើងរបស់ខ្ញុំទៅឋានសួគ៌មុនខ្ញុំ ៕