យោងតាមប្រភពផ្លូវការពីររបស់អ៊ីរ៉ង់បាននិយាយ អ៊ីរ៉ង់ អាចនឹងផ្អាកការចម្រាញ់សារធាតុអ៊ុយរ៉ានីញ៉ូម ប្រសិនបើសហរដ្ឋអាមេរិកដោះលែងមូលនិធិអ៊ីរ៉ង់ដែលកំពុងបង្កក និងទទួលស្គាល់សិទ្ធិរបស់ទីក្រុងតេអេរ៉ង់ក្នុងការចម្រាញ់សារធាតុអ៊ុយរ៉ានីញ៉ូមសម្រាប់ការប្រើប្រាស់ស៊ីវិល ក្រោមកិច្ចព្រមព្រៀងនយោបាយ ដែលអាចនាំទៅរកកិច្ចព្រមព្រៀងនុយក្លេអ៊ែរកាន់តែទូលំទូលាយ ។

ប្រភពដែលស្និទនឹងក្រុមចរចា បាននិយាយកាលពីថ្ងៃពុធសប្ដាហ៍នេះថា ការយោគយល់ផ្នែកនយោបាយជាមួយសហរដ្ឋអាមេរិក អាចឈានដល់ក្នុងពេលឆាប់ៗនេះ ប្រសិនបើទីក្រុងវ៉ាស៊ីនតោនទទួលយកលក្ខខណ្ឌរបស់ទីក្រុងតេអេរ៉ង់។ ប្រភពមួយក្នុងចំណោមប្រភពជាច្រើន បាននិយាយថាបញ្ហានេះមិនទាន់ត្រូវបានពិភាក្សានៅឡើយទេ ក្នុងអំឡុងពេលចរចាជាមួយសហរដ្ឋអាមេរិក។

ប្រភពបាននានាប្រាប់សារព័ត៌មានរ៉យទ័រថា ក្រោមការរៀបចំនេះ ទីក្រុងតេអេរ៉ង់នឹងបញ្ឈប់ការចម្រាញ់សារធាតុអ៊ុយរ៉ានីញ៉ូមរយៈពេលមួយឆ្នាំ ការដឹកជញ្ជូនផ្នែកនៃស្តុកដែលបានចម្រាញ់ក្នុងចំនួនដ៏ច្រើនបស់ខ្លួនទៅបរទេស ឬបំប្លែងទៅជាបន្ទះឥន្ធនៈសម្រាប់គោលបំណងនុយក្លេអ៊ែរស៊ីវិល។

ការផ្អាកបណ្ដោះអាសន្នក្នុងការចម្រាញ់បន្ថែម នឹងក្លាយជាមធ្យោបាយមួយដើម្បីយកឈ្នះលើការជាប់គាំងជុំវិញការប៉ះទង្គិចគ្នាលើបន្ទាត់ក្រហម បន្ទាប់ពីកិច្ចចរចាចំនួនប្រាំជុំរវាងរដ្ឋមន្ត្រីការបរទេសអ៊ីរ៉ង់លោក Abbas Araqchi និងបេសកជនមជ្ឈិមបូព៌ារបស់លោកTrump គឺលោក Steve Witkoff ដើម្បីដោះស្រាយជម្លោះអស់ជាច្រើនទសវត្សរ៍លើកម្មវិធីនុយក្លេអ៊ែររបស់ទីក្រុងតេអេរ៉ង់៕