ក្រុមហាម៉ាសនិយាយថា ខ្លួនបានឈានដល់កិច្ចព្រមព្រៀងជាមួយបេសកជនពិសេសអាមេរិកលោក Steve Witkoff លើ "ក្របខ័ណ្ឌទូទៅ" សម្រាប់កិច្ចព្រមព្រៀងបទឈប់បាញ់ ហើយឥឡូវនេះកំពុងរង់ចាំការឆ្លើយតបចុងក្រោយ។ 

ក្រុមហាម៉ាស និយាយក្នុងសេចក្តីថ្លែងការណ៍មួយថា ក្របខ័ណ្ឌដែលខ្លួនបានអនុម័តនឹងធានាបាននូវ "បទឈប់បាញ់ជាអចិន្ត្រៃយ៍" ការដកកងកម្លាំងអ៊ីស្រាអែលទាំងស្រុងចេញពីតំបន់ហ្កាហ្សា លំហូរនៃជំនួយមនុស្សធម៌ និងគណៈកម្មាធិការអ្នកបច្ចេកទេសប៉ាឡេស្ទីនឯករាជ្យដែលសន្មត់ថាគ្រប់គ្រងលើដែនដីនេះ ជំនួសឱ្យក្រុមហាម៉ាស នៅពេលកិច្ចព្រមព្រៀងត្រូវបានប្រកាស។

កិច្ចព្រមព្រៀងនេះនឹងមើលឃើញមានការដោះលែងចំណាប់ខ្មាំងអ៊ីស្រាអែលដែលនៅរស់ចំនួន ១០នាក់ រួមជាមួយនឹងសាកសពចំណាប់ខ្មាំងត្រូវបានសម្លាប់ជាច្រើននាក់ ដែលមិនបានបញ្ជាក់ ជាថ្នូរនឹងចំនួនអ្នកទោសប៉ាឡេស្ទីនដែលបានព្រមព្រៀងគ្នា ត្រូវបានធានាដោយក្រុមអ្នកសម្របសម្រួល។

បច្ចុប្បន្នមានចំណាប់ខ្មាំងចំនួន ៥៨ នាក់នៅក្នុងតំបន់ហ្កាហ្សា។  

ស្របពេលការប្រកាសនេះ ត្រូវបានក្រុមហាម៉ាស ចាត់ទុកជារបកគំហើញមួយ វានៅតែបង្ហាញថា បញ្ហាមួយចំនួនត្រូវមានការចរចា ដូចជាចំនួនអ្នកទោសប៉ាឡេស្ទីនដែលត្រូវដោះលែងជាដើម។

យ៉ាងណាក៏ដោយ នាយករដ្ឋមន្ត្រីអ៊ីស្រាអែល Benjamin Netanyahu បាននិយាយថាលោកនឹងយល់ព្រមបទឈប់បាញ់បណ្ដោះអាសន្នណាមួយ ។លោកបានទទូចថាលោកនឹងបន្តប្រយុទ្ធក្នុងដែនដីហ្កាហ្សាបន្ទាប់ពីមានបទឈប់បាញ់បណ្ដោះអាសន្ន លុះត្រាកម្ចាត់ឬសគល់ក្រុមហាម៉ាសអស់ រំដោះចំណាប់ខ្មាំងទាំងអស់ ហើយផែនការលោក Trump សម្រាប់ការផ្លាស់ប្ដូរលំនៅឋានពលរដ្ឋហ្កាហ្សា ត្រូវបានអនុវត្ត៕