មន្ត្រីសន្តិសុខជាន់ខ្ពស់ លោក Dmitry Medvedev បាននិយាយកាលពីថ្ងៃពុធ ទី២៨ ឧសភា ថា ទាហានជិត ១៧៥.០០០នាក់ បានចុះហត្ថលេខាលើកិច្ចសន្យាកងទ័ពរុស្ស៊ី ចាប់តាំងពីដើមឆ្នាំនេះ។

លោក Medvedev ដែលជាអតីតប្រធានាធិបតីរុស្ស៊ី ហើយបច្ចុប្បន្នជាអនុប្រធានក្រុមប្រឹក្សាសន្តិសុខ បាននិយាយថា មនុស្សជាង១៤.០០០នាក់ បានចូលរួមក្នុងកងទ័ព ដោយផ្អែកលើមូលដ្ឋានស្ម័គ្រចិត្ត។

លោក Dmitry Medvedev បាននិយាយថា សមាជិកបម្រើសេវាយោធាជិត ១៧៥.០០០នាក់ បានទៅដល់អង្គភាពយោធារុស្ស៊ី ក្រោមកិច្ចសន្យា ចាប់តាំងពីដើមឆ្នាំនេះ ហើយមនុស្សជាង១៤.០០០នាក់ បានចូលរួមក្នុងក្រុមស្ម័គ្រចិត្ត។

លោក Medvedev បាននិយាយនៅក្នុងកិច្ចប្រជុំមួយកាលពីខែធ្នូឆ្នាំមុនថា សមាជិកបម្រើសេវាយោធាចំនួន ៤៤០.០០០នាក់ បានចូលរួមជាមួយកងកម្លាំងប្រដាប់អាវុធរុស្ស៊ីក្រោមកិច្ចសន្យាពេញមួយឆ្នាំ២០២៤។

ប្រធានាធិបតីរុស្ស៊ី លោក Vladimir Putin បាននិយាយកាលពីពេលមុនថា លំហូរនៃបុគ្គលដែលមានបំណងចង់ចូលបម្រើក្នុងជួរកងទ័ពគឺមិនថយចុះទេ ហើយអ្នកស្ម័គ្រចិត្តរហូតដល់៦០.០០០នាក់ បានចុះឈ្មោះជារៀងរាល់ខែ។