នៅក្នុងស្ថានការណ៍ផ្លាស់ប្តូរដែលមិនរំពឹងទុកនេះ បេសកជនពាណិជ្ជកម្មរបស់អង់គ្លេស បានទៅទស្សនកិច្ចនៅអ៊ីស្រាអែល ដើម្បី «ជំរុញពាណិជ្ជកម្ម»រវាងប្រទេសទាំងពីរ រយៈពេលមួយសប្តាហ៍បន្ទាប់ពីចក្រភពអង់គ្លេស បានផ្អាកកិច្ចពិភាក្សាដែលពាក់ព័ន្ធ។

លោក Lord Ian Austin ដែលជាបេសកជនពាណិជ្ជកម្មរបស់រដ្ឋាភិបាលចក្រភពអង់គ្លេសប្រចាំនៅអ៊ីស្រាអែល ត្រូវបានស្វាគមន៍មកកាន់ទីក្រុង Haifa កាលពីថ្ងៃចន្ទ ត្រឹមតែប៉ុន្មានថ្ងៃបន្ទាប់ពីរដ្ឋមន្ត្រីការបរទេស David Lammy បានផ្អាកការចរចា។

ស្ថានទូតអង់គ្លេសប្រចាំប្រទេសអ៊ីស្រាអែល បាននិយាយថា លោក Lord Austin បានទៅទស្សនាគម្រោងមួយចំនួនដូចជា មជ្ឈមណ្ឌលស្កេនគយ កំពង់ផែ Haifa Bayport និងគម្រោង Haifa-Nazareth Light Rail ដើម្បី «ធ្វើជាសាក្សីនៃកិច្ចសហប្រតិបត្តិការជាបន្តបន្ទាប់»។

ឮលោក Lord Austin បាននិយាយថា៖«ការធ្វើពាណិជ្ជកម្មជាមួយអ៊ីស្រាអែល ផ្តល់នូវការងារល្អជាច្រើនពាន់កន្លែង នៅក្នុងចក្រភពអង់គ្លេស និងនាំមនុស្សមកជួបជុំគ្នា នៅក្នុងប្រទេស0លទ្ធិប្រជាធិបតេយ្យ    ពហុវប្បធម៌ដ៏អស្ចារ្យដែលជាប្រទេសអ៊ីស្រាអែល»។

កាលពីថ្ងៃអង្គារសប្តាហ៍មុន រដ្ឋាភិបាលបានអះអាងថា ខ្លួនកំពុងផ្អាកការចរចាពាណិជ្ជកម្មរបស់ខ្លួន ជាមួយអ៊ីស្រាអែល បន្ទាប់ពីមានការបង្កើនការវាយលុកផ្នែកយោធា នៅក្នុងតំបន់ហ្កាហ្សា និងការសម្រេចចិត្តរបស់ប្រទេសនេះ ក្នុងការកំណត់ចំនួនជំនួយ ដែលបានអនុញ្ញាតឲ្យចូលទៅក្នុងទឹកដីប៉ាឡេស្ទីន។