ក្រុមវេជ្ជបណ្ឌិតហាត់ការនៅទីក្រុង Buenos Aires បានចេញតវ៉ាកាលពីថ្ងៃព្រហស្បតិ៍ ដើម្បីទាមទារប្រាក់ឈ្នួល និងលក្ខខណ្ឌការងារកាន់តែប្រសើរ។ បាតុកររាប់ពាន់នាក់ បានដើរឆ្លងកាត់ទីក្រុងឆ្ពោះទៅកាន់ក្រសួងសុខាភិបាល ជាកន្លែងដែលនគរបាលយាមនៅតាមដងផ្លូវក្បែរនោះ។

វេជ្ជបណ្ឌិតហាត់ការ លោក Candela Mondaca អាយុ២៨ឆ្នាំ ដែលបម្រើការនៅមន្ទីរពេទ្យ Garrahan បាននិយាយថាបម្រើការងារក្នុងស្រុកនៅពេលដំបូង រកចំណូលបានជិត៦៧៣ដុល្លារក្នុងមួយខែ ទោះបីជាធ្វើការពី៦០ទៅ៧០ ម៉ោង ក្នុងមួយសប្តាហ៍ក៏ដោយ។

នៅក្នុងសន្និសីទសារព័ត៌មានមួយ អ្នកនាំពាក្យប្រធានាធិបតី Manuel Adorni បាននិយាយថា មន្ទីរពេទ្យ Garrahan ត្រូវបានផ្តល់មូលនិធិគ្រប់គ្រាន់ ជំនួសវិញលោកបាននិយាយថា ប្រាក់នេះត្រូវបានគេប្រើប្រាស់ដើម្បី «បំប៉ោង» ចំនួនបុគ្គលិក។

ទាំងនេះ គឺជាការតវ៉ាចុងក្រោយជាបន្តបន្ទាប់ ដឹកនាំដោយបុគ្គលិកពេទ្យដែលទាមទារលក្ខខណ្ឌកាន់តែប្រសើរ បន្ទាប់ពីការកាត់ថវិកាដែលបានចាប់ផ្តើមកាលពីឆ្នាំមុន ក្រោមរដ្ឋាភិបាលរបស់លោកប្រធានាធិបតី Javier Milei ។