រដ្ឋមន្ត្រីក្រសួងពាណិជ្ជកម្មអាមេរិកលោក Howard Lutnick បាននិយាយថា លោកប្រធានាធិបតីអាមេរិក Donald Trump ពុំមានគម្រោងពង្រីកការផ្អាកចំពោះការដំឡើងពន្ធជាសកលដែលកំពុងកើនឡើងរបស់លោកនោះទេ។

ផែនការរបស់ប្រធានាធិបតី ជាទីដែលប្រទេសជាច្រើនប្រឈមចន្លោះពី ១១% ទៅ១០០% លើពន្ធនៃទំនិញដែលនាំចូលទៅក្នុងសហរដ្ឋអាមេរិក ត្រូវបានប្រកាសកាលពីខែមេសា។ ប៉ុន្តែពន្ធភាគច្រើនត្រូវបានផ្អាកដោយលោក Trump អស់រយៈពេល៩០ថ្ងៃដែលនាំឲ្យមានការប្រែប្រួលទីផ្សារភាគហ៊ុន។

ថ្លែងទៅកាន់ទូរទស្សន៍ Fox News លោក Lutnick បាននិយាយថាលោករំពឹងថាប្រធានាធិបតីនឹងឈរយ៉ាងរឹងមាំនៅពេលការផ្អាក៩០ថ្ងៃនោះ ផុតកំណត់នៅដើមខែកក្កដា។ 

កិច្ចព្រមព្រៀងពាណិជ្ជកម្មដ៏សំខាន់មួយនឹងអនុវត្តជាមួយប្រទេសចិន ដែលរដ្ឋមន្ត្រីក្រសួងរតនាគារអាមេរិកលោក Scott Bessent បាននិយាយថា មិនមែនជាដៃគូដែលអាចទុកចិត្តបាន ហើយបានអះអាងថា ខ្លួនកំពុងគ្រប់គ្រងផលិតផលនៅក្នុងខ្សែសង្វាក់ផ្គត់ផ្គង់ពិភពលោក។

ទីប្រឹក្សាពាណិជ្ជកម្មជាន់ខ្ពស់របស់ប្រធានាធិបតីអាមេរិករូបនេះ បានបង្ហាញការរួបរួមក្នុងការបង្ហាញខ្លួនរបស់ពួកគេនៅលើកម្មវិធីទូរទស្សន៍ពេលព្រឹករបស់សហរដ្ឋអាមេរិកដាច់ដោយឡែកពីគ្នាកាលពីថ្ងៃអាទិត្យ។

មន្ត្រីជាន់ខ្ពស់ទាំងពីរនៅតែប្រកាន់ខ្ជាប់យ៉ាងខ្ជាប់ខ្ជួនលើរបៀបវារៈការដំឡើងពន្ធ ដែលបានប្រឈម នឹងបញ្ហាជាបន្តបន្ទាប់ក្នុងប្រព័ន្ធតុលាការរបស់សហរដ្ឋអាមេរិកខ្លួនឯង៕