មន្ត្រីបាននិយាយថា ចំនួនអ្នកស្លាប់ដោយសារបំណាក់ដីនៅឯកន្លែងវាយយកថ្មមួយកន្លែងក្នុងខេត្ត ជ្វាខាងលិច(West Java) របស់ប្រទេសឥណ្ឌូនេស៊ី បានកើនឡើងដល់១៩នាក់ កាលពីថ្ងៃអាទិត្យ ប៉ុន្តែបំណាក់ដីបន្ថែមទៀត បានបង្ខំឱ្យផ្អាកការស្វែងរកជនរងគ្រោះ៦នាក់ដែលនៅបាត់ខ្លួន។

អ្នកនាំពាក្យទីភ្នាក់ងារគ្រប់គ្រងនិងសម្រាលគ្រោះមហន្តរាយខេត្តជ្វាខាងលិច(West Java) បាននិយាយថា សាកសពពីរនាក់ទៀតត្រូវបានរកឃើញដោយក្រុមអ្នកជួយសង្គ្រោះកាលពីថ្ងៃអាទិត្យ នៅអណ្តូងរ៉ែ Gunung Kuda ។

អ្នកនាំពាក្យដដែលបាននិយាយថា ដើម្បីធានាបានប្រតិបត្តិការស្វែងរកដោយរលូន និងកិច្ចប្រឹងប្រែង ផ្តល់ជំនួយ រដ្ឋក្នុងគ្រាអាសន្នត្រូវបានដាក់ចាប់តាំងពីថ្ងៃទី៣០ ខែឧសភា ហើយនឹងបញ្ចប់នៅថ្ងៃទី៦ ខែមិថុនា។

លោក Mamang Fatmono ប្រធានស្តីទីអង្គភាពប្រតិបត្តិការនៃការិយាល័យស្វែងរក និងជួយសង្គ្រោះខេត្ត បាននិយាយថា ប្រតិបត្តិការស្វែងរក និងជួយសង្គ្រោះ ត្រូវបានបញ្ឈប់ដោយសារតែបំណាក់ដីបន្ថែមៀត នៅកន្លែងវាយយកថ្ម។ លោកបានប្រាប់សារព័ត៌មានស៊ីនហួថា «យើងប្រឈមបញ្ហានៅថ្ងៃនេះ។ បំណាក់ដីបន្ថែមទៀតបានកើតឡើងនៅម៉ោង១១:១០នាទីព្រឹក ម៉ោងក្នុងស្រុក ដូច្នេះប្រតិបត្តិការស្វែងរក ត្រូវផ្អាកជាបណ្តោះអាសន្ន ហើយប្រតិបត្តិការស្វែងរកនឹងបន្តទៀតនៅថ្ងៃស្អែក។