រុយរោមសាកសពស្អុយរលួយឡើងពណ៌ខ្មៅរបស់បុរស និងក្មេងប្រុសដេកដួលជិតៗគ្នាលើសំពត់លាបជ័រ នៅក្នុងការប្រយុទ្ធបង្ហូរឈាមគ្នា ខណៈត្រៀមយកទៅបូជាភ្លាមៗក្នុងស្រុក Tamu ស្ថិតក្នុងតំបន់ Sagaing របស់មីយ៉ាន់ម៉ា ជាប់ព្រំដែនជាមួយប្រទេសឥណ្ឌា ។

ឈើអុសត្រូវបានរៀបចំឡើងសម្រាប់ការបូជាសពទ្រង់ទ្រាយធំ ក្នុងនោះកងរថយន្តត្រូវបានដុតផងដែរនៅទីនោះ ។

នៅក្នុងចំណោមសមាជិក ១០នាក់នៃក្រុមឧទ្ទាម Pa Ka Pha(PKP) ដែលជាផ្នែកមួយនៃកងកម្លាំងការពារប្រជាជន ត្រូវបានសម្លាប់ដោយកងទ័ពឥណ្ឌាកាលពីថ្ងៃទី ១៤ ខែឧសភា ៣នាក់ គឺជាក្មេងប្រុស ។

ក្រុមជីវពល PKP ស្ថិតក្រោមបញ្ជាការរបស់រដ្ឋាភិបាលរួបរួមជាតិ(NUG)ដែលជារដ្ឋាភិបាលនិរទេសរបស់មីយ៉ាន់ម៉ា មានទាំងក្រុមតំណាងរាស្រ្តដកតំណែងចេញនៅក្នុងរដ្ឋប្រហារឆ្នាំ ២០២១ ដែលរួមមានសមាជិកសភាមកពីគណបក្សសម្ព័ន្ធជាតិប្រជាធិបតេយ្យរបស់ម្ចាស់ជ័យលាភីពានរង្វាន់ណូបែលសន្តិភាពលោកស្រី Aung San Suu Kyi ។

កងទ័ពឥណ្ឌា និយាយថា នៅថ្ងៃទី ១៤ ខែឧសភា កងវរសេនាតូចនៃទាហានប៉ារ៉ាឥណ្ឌាដែលល្បាតប៉ុស្តិ៍ព្រំដែននៅរដ្ឋភាគឦសាន Manipur បានបាញ់សម្លាប់ក្រុមប្រដាប់អាវុធ ១០នាក់ ដែលសង្ស័យពាក់ព័ន្ធនឹងសកម្មភាពបះបោរតាមព្រំដែន ។ កងវរសេនាតូចបានធ្វើដោយផ្អែកលើចារកម្មច្បាស់លាស់ ៕