ក្រុមមន្រ្តីប្រដាប់អាវុធចែកចាយជំនួយដល់ជនប៉ាឡេស្ទីននៅតាមទីតាំងចែកចាយជំនួយយោធា ខណៈការបិទច្រករបស់អ៊ីស្រាអែលនៅដែនដីកហ្កាហ្សា ជិតឈានរយៈពេល ៨០ថ្ងៃ ។

រូបភាពវីដេអូឃ្លីបពីអង្គការសហប្រជាជាតិ(UN) ឃើញជនប៉ាឡេស្ទីនធ្វើដំណើរឆ្លងកាត់ច្រករបៀងបន្លាលួស ដើម្បីទៅដល់ចំណុចចែកចាយជំនួយ ដែលត្រូវបានយាមកាមដោយក្រុមមន្រ្តីប្រដាប់អាវុធ ។

អ៊ីស្រាអែលបានបិទច្រកលើការផ្គត់ផ្គង់ទាំងអស់ចូលទៅក្នុងតំបន់ហ្កាហ្សា ចាប់តាំងពីដើមខែមីនារហូតមក នៅក្នុងកិច្ចខិតខំមួយដើម្បីធ្វើឲ្យទន់ខ្សោយកម្លាំងក្រុមជីវពលហាម៉ាស ហើយពួកគេបានស្ថិតក្រោមសម្ពាធកើនឡើងពីសហគមន៍អន្តរជាតិដែលភ្ញាក់ផ្អើលចំពោះស្ថានភាពមនុស្សធម៌ធ្ងន់ធ្ងរបង្កឡើងដោយសារការបិទច្រកមួយនេះ ។

កាលពីថ្ងៃសៅរ៍កន្លងទៅ ក្រុមជំនួយនិយាយថា រថយន្តកម្មវិធីស្បៀងអាហារពិភពលោករាប់សិបគ្រឿងដឹកម៉្សៅទៅកាន់ហាងនំតំបន់ហ្កាហ្សា ត្រូវបានប្លន់ដោយក្រុមប្រដាប់អាវុធ ហើយនិងលួចដោយមនុស្សដែលត្រូវការស្បៀងអាហារខ្លាំង រយៈពេលច្រើនសប្តាហ៍នៃភាពអត់ឃ្លាន ។

អង្គការសហប្រជាតិ និយាយកាលពីថ្ងៃសុក្រថា ស្ថានភាពនៅតំបន់ហ្កាហ្សាអាក្រក់ខ្លាំងបំផុត ចាប់តាំងពីសង្រ្គាមកាលពីរយៈពេល ១៩ខែមុន ក្នុងនោះពលរដ្ឋទាំងមូលប្រឈមហានិភ័យនៃគ្រោះទុរ្ភិក្ស បើទោះបីជាប់ផ្តើមចែកចាយជំនួយមានកំណត់ឡើងវិញក៏ដោយកាលពីដើមខែឧសភា ៕