បន្ទាប់ពីការដកចេញទណ្ឌកម្មសហរដ្ឋអាមេរិក និងអឺរ៉ុប ស៊ីរីសង្ឃឹមថានឹងរស់រានឡើងវិញឧស្សាហកម្មឱសថ និងដោះស្រាយការងារប្រឈមជាច្រើនផ្តើមចេញពីភាពឯកោរាប់ឆ្នាំពីក្រុមហ៊ុនបរទេស និងអ្នកផ្គត់ផ្គង់ ។

លោក Issam Maatouq គឺជាប្រធានក្រុមប្រឹក្សាភិបាលនៅក្រុមហ៊ុនឧស្សាហកម្មឱសថ Unipharma និយាយថា កិច្ចចរចាបានចាប់ផ្តើមឡើងវិញហើយជាមួយក្រុមហ៊ុនឱសថបរទេស ដើម្បីចាប់ផ្តើមខ្សែសង្វាក់ផលិតកម្មរបស់ពួកគេនៅទីក្រុងដាម៉ាស ហើយនិងអនុញ្ញាតឲ្យនាំចូលឱសថមកកាន់ប្រទេសស៊ីរី ។

លោក Maatouq និយាយថា អំឡុងរយៈពេលច្រើនឆ្នាំនៃទណ្ឌកម្ម វត្ថុធាតុដើមួយចំនួនចាំបាច់សម្រាប់ការផលិតឱសថគ្មាននោះទេ ។ រោងចក្រពិបាកទទួលបានការថែទាំផងដែរ និងគ្រឿងបង្គុំសម្រាប់ផលិតឧបករណ៍ ។

យោងតាមការអះអាងរបស់ក្រសួងសុខាភិបាលស៊ីរី បានឲ្យដឹងថា នេះមានន័យផងដែរថា ឱសថជំងឺមហារីកមានក្នុងស្រុក ឈានដល់តម្រូវការតិចជាង ២០ភាគរយ ។

អ្នកស្រី Khawla al-Hassan ដែលកូនស្រីរបស់គាត់មានជំងឺមហារីកស្បែក និយាយថា គ្រួសាររបស់គាត់ប្រឈមការលំបាកហិរញ្ញវត្ថុធ្ងន់ធ្ងរ ក្នុងការទទួលបានដូសព្យាបាលជំងឺដោយប្រើគីមី អំឡុងទណ្ឌកម្ម ។ ឥឡូវកូនស្រីរបស់គាត់សង្ឃឹមថា អ្វីៗនឹងល្អប្រសើរជាងមុនសម្រាប់គ្រួសាររបស់គាត់ ។

លោក Zuhair al-Qarrat គឺជាមន្រ្តីមួយរូបរបស់ក្រសួងសុខាភិបាលស៊ីរី និយាយថា អ្នករាល់គ្នាដឹងថាមុនឆ្នាំ២០១១ ស៊ីរីស្ថិតនៅក្នុងចំណោមប្រទេសលេចធ្លោក្នុងការផលិតឱសថ ។ ការដកទណ្ឌកម្មនឹងធ្វើឲ្យល្អប្រសើរឡើងសមត្ថភាពផលិតឱសថនៅប្រទេសស៊ីរី ៕