ភ្នំពេញ៖ លោក ស សំណាង ចៅក្រមស៊ើបសួរនៃសាលាដំបូងរាជធានីភ្នំពេញ បានសម្រេចដីការបង្គាប់ឲ្យឃុំខ្លួននៅម១ លើជនសង្ស័យ ហង្ស សំណាង រួមទាំងបក្សពួក០២នាក់ទៀត ពីបទ ធ្វើឲ្យខូចទឹកចិត្តកងទ័ព , ញុះញង់ឱ្យមានការរើសអើង និង ប្រើប្រាស់ឯកសណ្ឋានជាអាទិ៍ ដែលមានភាពប្រហាក់ប្រហែលនឹងយោធា តាមមាត្រា៤៧២, ៤៩៤, ៤៩៦ និង៦១៦ នៃក្រមព្រហ្មទណ្ឌ នារសៀលថ្ងៃទី០២ ខែមិថុនា ឆ្នាំ២០២៥នេះ។

ជនសង្ស័យទាំង០៣នាក់មានឈ្មោះ ទី១ឈ្មោះ ហង្ស សំណាង ភេទប្រុស អាយុ ៤២ ឆ្នាំ ជនជាតិខ្មែរ ,ទី២ ឈ្មោះ កុញ វាសនា ហៅ ស្នា ភេទប្រុសអាយុ ៣៥ ឆ្នាំ ជនជាតិខ្មែរ និង ទី៣ ឈ្មោះ រស់ អែវ ភេទប្រុស អាយុ ៦៣ ឆ្នាំ ជនជាតិខ្មែរ។ 

គួរបញ្ជាក់ផងដែរ កាលពីថ្ងៃទី៣០ ខែឧសភា ឆ្នាំ២០២៥ ជនសង្ស័យទាំង០៣នាក់ បានបង្កើតមាតិការបែបកំប្លែងចម្អក សម្តែងឈុតជាយោធាស្លៀកពាក់មិនសមរម្យ និងធ្វើកិច្ចសម្ភាសន៍ឌឺដង ញុះញង់ បំបាក់ទឹកចិត្ត និងស្មារតីយោធា ដែលទង្វើនេះ មិនមែនជាទម្រង់នៃវិជ្ជាជីវអ្នកសារព័ត៌មានទេ ទើបត្រូវបានសមត្ថកិច្ចចាប់ខ្លួន ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី៕

អត្ថបទ៖ កុម្ភៈ