អ្នកតំណាងមួយរូបរបស់ក្រសួងការបរទេសទួរគី និយាយថា កិច្ចចរចានៅទីក្រុងអ៊ីស្តង់ប៊ុលបញ្ចប់ទៅមិនមែនអវិជ្ជមានទេ ។ 

 ប្រភពពីទីភ្នាក់ងារព័ត៌មាន TASS បានឲ្យដឹងថា រុស្ស៊ី និងអ៊ុយក្រែន បានពិភាក្សាលើការផ្លាស់ប្តូររឿងរ៉ាវលម្អិត ហើយលទ្ធផលនឹងត្រូវប្រកាសជាផ្លូវការ ។ គណៈប្រតិភូប្រទេសទាំង ២ បានចាកចេញទៅទទួលទានអាហារថ្ងៃត្រង់ ក្រោយជំនួបមួយនេះ ។

 ខណៈពេលនោះដែរ ប្រធានាធិបតីអ៊ុយក្រែនលោក Volodymir Zelensky និយាយថា រុស្ស៊ី និងអ៊ុយក្រែន នឹងធ្វើការលើការដោះដូរអ្នកទោសថ្មី ។

 ថ្លែងនៅក្រោយជំនួបអង្គការណាតូ នៅទីក្រុង Vilnius ប្រទេសលីទុយអានី លោក Zelensky បានបញ្ជាក់ឡើងវិញសម្រាប់ការកំណត់ថ្មីនៃទណ្ឌកម្ម ដើម្បីដាក់សម្ពាធប្រធានាធិបតីរុស្ស៊ីលោក Vladimir Putin ឲ្យយល់ព្រមនឹងបទឈប់បាញ់ ។

 អ្នកស្រី Liza Fokht គឺជាអ្នកធ្វើសេចក្តីរាយការណ៍របស់ BBCនៅទីក្រុងអ៊ីស្តង់ប៊ុល និយាយថា កិច្ចប្រជុំនៅថ្ងៃនេះ ទំនងជាពុំអាចទម្លុះភាពទាល់ច្រកបាននោះទេ ប៉ុន្តែរុស្ស៊ី និងអ៊ុយក្រែនចង់ចៀសវាង ទំនាក់ទំនងតានតឹងរបស់ពួកគេជាមួយសេតវិមាន ។

 សូមបញ្ជាក់ថា ជុំដំបូងនៃកិច្ចប្រជុំនៅប្រទេសទួរគីកាលពីខែមុន ពុំទទួលបានលទ្ធផលជាដុំកំភួនណាមួយនោះទេ ក្រៅពីការដោះដូរឈ្លើយសឹក ៕