ប្រធានាធិបតីទួរគីលោក Tayyip Erdogan និយាយថា ទួរគីនឹងចាត់វិធានការនាំឲ្យមានការជួបគ្នារវាងមេដឹកនាំរុស្ស៊ី និងមេដឹកនាំអ៊ុយក្រែន សម្រាប់ជំនួបនៅទីក្រុង Ankara ឬទីក្រុង Istanbul ។

ថ្លែងក្រោយជំនួបគណៈរដ្ឋមន្រ្តីកាលពីថ្ងៃចន្ទ លោក Erdogan និយាយថា លោកចង់ឲ្យប្រធានាធិបតីសហរដ្ឋអាមេរិកលោក Donald Trump និងខ្លួនលោកផ្ទាល់ ចូលរួមជំនួបមួយនេះដែរ ។

កិច្ចប្រជុំស្វែងរកសន្តិភាពរវាងរុស្ស៊ី និងអ៊ុយក្រែននៅទីក្រុង Istanbul បានបញ្ចប់ទៅជិត ១ម៉ោង ក្រោយពួកគេចាប់ផ្តើមកាលពីថ្ងៃចន្ទ រយៈពេល ១ថ្ងៃ ក្រោយការវាយប្រហារយានដ្រូនទ្រង់ទ្រាយធំរបស់អ៊ុយក្រែន លើយន្តហោះទម្លាក់គ្រាប់បែកយុទ្ធសាស្រ្តមានសមត្ថភាពនុយក្លេអ៊ែររបស់រុស្ស៊ី ។

បើទោះបីជាបរិយាកាសបានធូរស្រាល ហើយការសន្ទនាមានរយៈពេលខ្លីយ៉ាងណាក្តី កិច្ចប្រជុំមួយនេះ ពិតជាបានផ្តល់នូវកិច្ចព្រមព្រៀងមួយ ដើម្បីធ្វើការដោះដូរអ្នកទោសថ្មី ហើយអ៊ុយក្រែន និយាយថា ជុំមួយទៀតនៃកិច្ចប្រជុំ ស្ថិតលើរបៀបវារៈ ។

ក្រុមអ្នកចរចាអ៊ុយក្រែននិយាយថា រុស្ស៊ីបានច្រានចោលម្តងទៀតនូវ "បទឈប់បាញ់ដោយគ្មានលក្ខខណ្ឌ" ដែលជាការទាមទារដ៏សំខាន់ដោយទីក្រុងគីវ និងសម្ព័ន្ធមិត្តរបស់ខ្លួននៅអឺរ៉ុប និងសហរដ្ឋអាមេរិក ប៉ុន្តែភាគីជម្លោះទាំងពីរបានប្តេជ្ញាថានឹងប្រគល់សាកសពទាហាន ១២.០០០នាក់ទៅវិញ ៕