ប្រមុខអង្គការសុខភាពពិភពលោក (WHO) បាននិយាយកាលពី​ថ្ងៃចន្ទ ទី២០ ខែធ្នូ ថា វីរុស​​បម្លែងខ្លួនថ្មី​  Omicron កំពុងឆ្លង​រាលដាលលឿនជាងវីរុស​បម្លែងខ្លួនថ្មី​ប្រភេទ  Delta ហើយកំពុងបង្កការឆ្លងដល់មនុស្សដែលបានចាក់វ៉ាក់សាំងរួចហើយ ឬអ្នកដែលបានជាសះស្បើយពីជំងឺ COVID-19 ។

អ្នកវិទ្យាសាស្ត្រជាន់ខ្ពស់​របស់អង្គការសុខភាពពិភពលោក​ លោកស្រី Soumya Swaminathan បានបន្ថែមថា យើងពិបាកក្នុងការសន្និដ្ឋានពីភស្តុតាងដំបូងដែលថាវីរុស​​បម្លែងខ្លួនថ្មី​ Omicron គឺជាវីរុស​បម្លែងខ្លួនថ្មី​ស្រាលជាងប្រភេទវីរុស​​បម្លែងខ្លួនថ្មីមុនៗ។

លោកស្រី Soumya Swaminathan បានប្រាប់ក្រុមអ្នកសារព័ត៌មាននៅទីក្រុងហ្សឺណែវថា ខណៈដែល​ចំនួនករណីឆ្លងកើនឡើង ប្រព័ន្ធសុខាភិបាលទាំងអស់នឹងស្ថិតក្រោមភាពតានតឹង ។

លោកស្រី​បាននិយាយថា វ៉ាវីរុស​បម្លែងខ្លួនថ្មីនេះ កំពុងគេចផុតពីការឆ្លើយតបនៃប្រព័ន្ធភាពស៊ាំដោយជោគជ័យ ដែលមានន័យថាកម្មវិធីចាក់វ៉ាក់សាំងដូសជំរុញ​ដែលកំពុងដាក់ឱ្យប្រើប្រាស់នៅក្នុងប្រទេសជាច្រើន គួរតែផ្តោតលើមនុស្សដែលមានប្រព័ន្ធការពាររាងកាយទន់ខ្សោយ។

ប្រមុខ​អង្គការសុខភាពពិភពលោក ---លោក Tedros Adhanom Ghebreyesus បានប្រាប់សន្និសីទសារព័ត៌មានថា ឥឡូវនេះមានភស្តុតាងជាក់លាក់​ដែលថាវីរុស​បម្លែងខ្លួនថ្មី​ Omicron កំពុងឆ្លងរាលរាលដាលលឿនជាងប្រភេទវីរុស​បម្លែងខ្លួនថ្មី​ Delta ​ ៕