លោកអធិការបតី Friedrich Merz បាននិយាយនៅថ្ងៃអង្គារថា សេចក្តីសម្រេចរបស់តុលាការដែលថា អាជ្ញាធរអាល្លឺម៉ង់ បានប្រព្រឹត្តដោយខុសច្បាប់ នៅពេលដែលនគរបាលព្រំដែន បានបណ្តេញអ្នកស្វែងរកសិទ្ធិជ្រកកោនសូម៉ាលី បីនាក់ អាចរឹតបន្តឹងការបង្រ្កាបការរដ្ឋាភិបាលរបស់លោកទៅលើជនអន្តោប្រវេសន៍ ប៉ុន្តែនឹងមិនបញ្ឈប់វាទាំងស្រុងនោះទេ។

លោកបានបន្តថា មនុស្សនឹងបន្តឲ្យជៀសចេញពីព្រំដែនអាល្លឺម៉ង់។

តុលាការរដ្ឋបាលក្រុងប៊ែរឡាំង បានបញ្ជាក់កាលពីថ្ងៃចន្ទថា ការបណ្តេញជនជាតិសូម៉ាលីដែលមិនបញ្ចេញឈ្មោះបីនាក់ ដែលត្រូវបានបញ្ជូនត្រឡប់ទៅប្រទេសប៉ូឡូញវិញ បន្ទាប់ពីបានមកដល់ស្ថានីយរថភ្លើងមួយ នៅប្រទេសអាល្លឺម៉ង់ភាគខាងកើត គឺ«ខុសច្បាប់»។

រដ្ឋបាលនេះ បានលើកឡើងថា ពាក្យសុំសិទ្ធិជ្រកកោន គួរតែត្រូវបានដំណើរការដោយប្រទេសអាល្លឺម៉ង់ក្រោមអ្វីដែលហៅថា ច្បាប់ Dublin របស់សហភាពអឺរ៉ុបដែលកំណត់ថាតើប្រទេសណាជាអ្នកទទួលខុសត្រូវក្នុងការដំណើរការការទាមទារសិទ្ធិនេះ។

សេចក្តីសម្រេចនេះ គឺជាឧបសគ្គសម្រាប់រដ្ឋាភិបាលរបស់លោក Merz ដែលបានឈ្នះការបោះឆ្នោតសហព័ន្ធ ក្នុងខែកុម្ភៈ បន្ទាប់ពីបានសន្យាថា នឹងមានការបង្ក្រាបលើការធ្វើទេសន្តរប្រវេន៍ ដែលបង្កឲ្យមានការព្រួយបារម្ភ នៅក្នុងប្រទេសជិតខាង។