ប្រជាជនកូរ៉េខាងត្បូងសង្ឃឹមថា ប្រធានាធិបតីទើបជាប់ឆ្នោតថ្មី លោក Lee Jae-myung នឹងធ្វើឱ្យសេដ្ឋកិច្ចរស់ឡើងវិញ និងបង្កើតការងារបន្ថែមទៀត ខណៈរូបលោកចាប់ផ្តើមអាណត្តិនៅថ្ងៃពុធ ៤មិថុនា សប្ដាហ៍នេះ។  

ក្នុងអំឡុងការបោះឆ្នោតកាលពីថ្ងៃទី៣មិថុនាសប្ដាហ៍នេះ ប្រជាពលរដ្ឋកូរ៉េខាងត្បូង បានបង្ហាញក្ដីសង្ឃឹមថា មេដឹកនាំថ្មីរបស់ខ្លួននឹងអាចស្ដារស្ថិរភាពប្រទេសនេះឡើងវិញក្រោយជួបវិបត្តិដាក់ច្បាប់អាជ្ញាសឹកកាលពីចុងឆ្នាំ២០២៤កន្លងទៅ។

អ្នកស្រី Kim Eun-kyung វ័យ៥៨ ឆ្នាំ បាននិយាយថា ចាប់តាំងពីចេញលទ្ធផល ដូចដែលមនុស្សភាគច្រើនប្រាថ្នានោះ អ្នកស្រីកំពុងទន្ទឹងរង់ចាំនយោបាយ និងសេដ្ឋកិច្ចដែលនឹងកើតឡើងនាពេលអនាគត ។អ្នកស្រីបានបន្ថែមថា ស្របពេលលទ្ធិប្រជាធិបតេយ្យនៅរស់ រូបគាត់សង្ឃឹមថាប្រធានាធិបតីថ្មី នឹងជួយស្រោចស្រង់ឱ្យសេដ្ឋកិច្ចរស់ឡើងវិញ ហើយមានការគិតគូរចំពោះប្រជាពលរដ្ឋក្រីក្រ និងម្ចាស់អាជីវកម្មខ្នាតតូច។

ចំណែកនិស្សិត វ័យ២៣ឆ្នាំ Lee Ju-Chan បាននិយាយថារូបគេសង្ឃឹមថាប្រធានាធិបតីថ្មីនឹងធ្វើឲ្យមានគោលនយោបាយផ្សេងៗ ដែលអនុញ្ញាតឲ្យនិស្សិតសាកលវិទ្យាល័យជ្រើសរើសការងារផ្សេងៗគ្នា បន្ទាប់ពីបញ្ចប់ការសិក្សា និងទទួលបានបទពិសោធផ្សេងៗអំឡុងការសិក្សា។

ជ័យជម្នះរបស់លោក Lee ក្នុងការបោះឆ្នោតប្រធានាធិបតីមុនអាណត្តិថ្ងៃអង្គារទី ៣ ខែមិថុនា ឈានឆ្ពោះទៅរកការផ្លាស់ប្តូរសមុទ្រនយោបាយក្នុងប្រទេសសេដ្ឋកិច្ចធំបំផុតទី៤របស់អាស៊ីមួយនេះ បន្ទាប់ពីការប្រឆាំងនឹងការប៉ុនប៉ងគ្រប់គ្រងដោយយោធាបានធ្វើឱ្យលោក Yoon Suk Yeol ត្រូវបានទម្លាក់ចេញពីតំណែង ត្រឹមតែបីឆ្នាំក្នុងតំណែងប្រធានាធិបតីដែលហ៊ុព័ទ្ធដោយបញ្ហា។

លោក Lee ត្រូវគេរំពឹងថានឹងមានការផ្សះផ្សាកាន់តែខ្លាំងចំពោះប្រទេសចិន និងកូរ៉េខាងជើង ហើយបានសន្យាបន្តទំនាក់ទំនងជាមួយប្រទេសជប៉ុនក្នុងសម័យកាលរបស់លោក Yoon៕