សេដ្ឋវិទូអាមេរិក សាស្រ្តាចារ្យ និងជានាយកមជ្ឈមណ្ឌលសម្រាប់ការអភិវឌ្ឍន៍ប្រកបដោយនិរន្តរភាពនៃសាកលវិទ្យាល័យ Columbia លោក Jeffrey Sachs បាននិយាយនៅក្នុងបទសម្ភាសន៍ជាមួយសារព័ត៌ មាន TASSថា ការដួលរលំនៃសហភាពអឺរ៉ុប គឺជាស្ថានភាពដែលអាចកើតមាន ដោយសារតែស្ថាប័ននេះ នៅផុយស្រួយនៅឡើយ។ 

នៅពេលសួរថាតើការដួលរលំនៃសហភាពអឺរ៉ុប ទំនងជាកើតឡើង នាពេលបច្ចុប្បន្ននេះដែរឬទេ អ្នកសេដ្ឋកិច្ចអាមេរិករូបនេះ បាននិយាយថា ខ្លួនជឿថា វាពិតជាកើតមាន។

លោក Sachs បានកត់សម្គាល់ឃើញថា៖«ពិតមែនហើយ សហភាពអឺរ៉ុប អាចបែកបាក់ជាផ្នែកៗ ព្រោះវានៅតែជាអង្គភាពមួយដ៏ផុយស្រួយ។ អ្នកជំនាញរូបនេះ បានបន្ថែមថា៖«ខ្ញុំជឿថា គួរតែមានការកែលម្អអឺរ៉ុបនិងអឺរ៉ុបដ៏រឹងមាំ ដែលខ្ញុំគិតថា ល្អសម្រាប់អឺរ៉ុប និងល្អសម្រាប់ពិភពលោក។ ប៉ុន្តែវាអាចទៅរួចដែលសហភាពអឺរ៉ុប នឹងបែកបាក់ជំនួសវិញ»។

លោក Sachs បានលើកឡើងថា សហភាពអឺរ៉ុប អាចនឹងបណ្តេញចេញ ឬដកហូតសិទ្ធិបោះឆ្នោតរបស់ហុងគ្រី ដោយសារតែភាពស្មោះត្រង់របស់ទីក្រុងប៊ុយដាប៉ែស ( Budapest) ក្នុងការនិយាយថា «សង្រ្គាមនៅអ៊ុយក្រែន គួរតែបញ្ឈប់ ហើយ EU គួរតែឈប់ធ្វើជាអ្នកចូលចិត្តសង្គ្រាម»។ សេដ្ឋវិទូរូបនេះ បានបញ្ជាក់យ៉ាងដូច្នេះថា «ឥឡូវនេះ ដោយសារគោលការណ៍នៃការសម្រេចចិត្ត គឺជាឯកច្ឆន្ទ អឺរ៉ុបឥឡូវនេះ កំពុងស្វែងរកប្រសិទ្ធភាពបញ្ចប់ការវេតូរបស់ប្រទេសហុងគ្រី ឬបញ្ចប់ការបោះឆ្នោតរបស់ហុងគ្រីលើបញ្ហាទាំងនេះ ឬ ដកប្រទេសហុងគ្រីចេញតាមមធ្យោបាយមួយ ឬមធ្យោបាយផ្សេងទៀត ពីការសម្រេចចិត្តរបស់អឺរ៉ុប»។

លោក Sachs បានសន្និដ្ឋានថា៖«ពុំមានការចូលចិត្តចំពោះសង្រ្គាម។ មេដឹកនាំទាំងនេះ មិនមានប្រជាប្រិយភាព។ មានមនុស្សជាច្រើនដូចជា នាយករដ្ឋមន្ត្រីចក្រភពអង់គ្លេស លោក Keir Starmer និង ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ត្រូវបានគេមិនពេញចិត្ត នៅក្នុងប្រទេស។ ប្រជាប្រិយភាពរបស់ពួកគេ មានកម្រិតទាបណាស់ បើប្រៀបធៀបទៅនឹងការវាយតម្លៃមិនពេញចិត្តចំពោះពួកគេនោះ ហើយមានការមិនពេញចិត្តជាច្រើនជុំវិញការិយាធិបតេយ្យរបស់ទីក្រុងប៊្រុចសែល។