ទិន្នន័យរដ្ឋាភិបាលបង្ហាញនៅថ្ងៃពុធនេះថា អត្រាកំណើតនៅក្នុងប្រទេសជប៉ុនកាលពីឆ្នាំមុន បានធ្លាក់ចុះក្រោម ៧០ម៉ឺននាក់ ជាលើកដំបូងជាប់កំណត់ត្រា ។

ប្រទេសដែលមានពលរដ្ឋអាយុច្រើននេះ បានស្វាគមន៍ទារកកើតថ្មីចំនួន ៦៨៦.០៦១នាក់ ក្នុងឆ្នាំ ២០២៤ ពោលគឺមានចំនួន ៤១.២២៧នាក់តិចជាងកាលពីឆ្នាំ ២០២៣ ។ វាគឹជាតួលេខទាបបំផុត ចាប់តាំងពីកំណត់ត្រាចាប់ផ្តើមកាលពីឆ្នាំ ១៨៩៩ ។

យោងតាមរបាយការណ៍ពីធនាគារពិភពលោក បានឲ្យដឹងថា ជប៉ុនមានអត្រាមនុស្សវ័យចំណាស់បំផុតលំដាប់ទី ២របស់ពិភពលោក បន្ទាប់ពីប្រទេសម៉ារ៉ុក ។

នាយករដ្ឋមន្រ្តីជប៉ុនលោក Shigeru Ishiba បានចាត់ទុកស្ថានភាពនេះថាជាគ្រាអាសន្នមិនធំដុំប៉ុន្មាននោះទេ ហើយលោកសន្យាលើវិធានកាមេត្រីភាពគ្រួសារ ដូចជាម៉ោងធ្វើការមានភាពបត់បែនជាងមុន ដើម្បីព្យាយាមផ្លាស់ប្តូរនិន្នាការមួយនេះ ។

ដោយឡែក ទិន្នន័យពីក្រសួងសុខាភិបាលនៅថ្ងៃពុធនេះ បង្ហាញថា អត្រាកំណើតសរុបចំនួនបុត្រជាមធ្យមដែលស្ត្រីគ្រោងនឹងផ្តល់កំណើត បានធ្លាក់ចុះផងដែរមកនៅចំនួន ១,១៥នាក់ ក្នុងនោះជប៉ុនមើលឃើញអត្រាមរណៈចំនួន ១,៦លាននាក់ ក្នុងឆ្នាំ ២០២៤ ពោលគឺកើនឡើង ១,៩ភាគរយ ពីរយៈពេល ១ឆ្នាំមុន ៕