អ្នកតាំងទីលំនៅអ៊ីស្រាអែល បានបង្កើតកន្លែងតាំងលំនៅថ្មីនៅលើដី ដែលជាកម្មសិទ្ធិរបស់ជនជាតិប៉ាឡេស្ទីន ភាគខាងកើតនៃទីក្រុងរ៉ាម៉ាឡា (Ramallah) ដែលជាទីក្រុងរដ្ឋបាលរបស់អាជ្ញាធរប៉ាឡេស្ទីន។

ទីភ្នាក់ងារសារព័ត៌មានប៉ាឡេស្ទីន បានរាយការណ៍ថា អ្នកតាំងលំនៅទាំងនោះ បានបង្កើតកន្លែងតាំងទីលំនៅ នៅលើអគារបាក់បែកនៃផ្ទះមួយ ជាកម្មសិទ្ធិរបស់គ្រួសារប៉ាឡេស្ទីន ដែលត្រូវបានជម្លៀសដោយបង្ខំកាលពីជិតមួយឆ្នាំមុន បន្ទាប់ពីការវាយប្រហារជាបន្តបន្ទាប់ នៅក្នុងភូមិ Al-Taybeh។

ការតាំងទីលំនៅ និងកន្លែងតាំងទីលំនៅរបស់អ៊ីស្រាអែល នៅតំបន់វេសបែង ត្រូវបានចាត់ទុកថា ខុសច្បាប់ក្រោមច្បាប់អន្តរជាតិ ហើយត្រូវបានគេមើលឃើញថា ជាឧបសគ្គដល់ការបង្កើតរដ្ឋប៉ាឡេស្ទីន ដែលអាចសម្រេចបាន និងដើម្បីសម្រេចបានសន្តិភាព។

គណៈកម្មាការតស៊ូនិងប្រឆាំងអាណានិគមពាក់ព័ន្ធរបស់អាជ្ញាធរប៉ាឡេស្ទីន បានរាយការណ៍កាលពីខែឧសភា អំពីការប៉ុនប៉ងរបស់អ្នកតាំងលំនៅជនជាតិអ៊ីស្រាអែល ដើម្បីបង្កើតកន្លែងតាំងទីលំនៅខុសច្បាប់ថ្មីចំនួន ១៥កន្លែង នៅតំបន់វេសបែង ដែលភាគច្រើននៅលើដីកសិកម្ម និងវាលស្មៅ។