វិមានក្រឹមឡាំង បាននិយាយថា លោកប្រធានាធិបតី វ្ល៉ាឌីមៀ ពូទីន បានប្រាប់ប្រធានាធិបតីអាមេរិក លោក ដូណាល់ ត្រាំ ថា លោកបានត្រៀមខ្លួនរួចជាស្រេច ដើម្បីប្រើប្រាស់ភាពជាដៃគូជិតស្និទ្ធរបស់រុស្ស៊ី ជាមួយ  អ៊ីរ៉ង់ ដើម្បីជួយដល់ការចរចាអំពីកម្មវិធីនុយក្លេអ៊ែររបស់អ៊ីរ៉ង់។

លោក ត្រាំ បាននិយាយបន្ទាប់ពីការសន្ទនាតាមទូរស័ព្ទជាមួយលោក ពូទីនថា ពេលវេលា គឺអស់សម្រាប់  អ៊ីរ៉ង់ ដើម្បីធ្វើការសម្រេចចិត្តលើកម្មវិធីនុយក្លេអ៊ែររបស់ខ្លួន ហើយថា លោកជឿថា លោក ពូ   ទីន បានយល់ព្រមថា អ៊ីរ៉ង់មិនគួរមានអាវុធនុយក្លេអ៊ែរទេ។

យោងទៅតាមលោក ត្រាំ បានឲ្យដឹងថា លោក ពូទីន បានផ្តល់យោបល់ថា ខ្លួនគួរតែចូលរួមក្នុងការពិភាក្សាជាមួយអ៊ីរ៉ង់ ហើយថា«ប្រហែលជាខ្លួនអាចជួយធ្វើឲ្យការចរចានេះ ចប់បានយ៉ាងឆាប់រហ័ស» ទោះបីជាអ៊ីរ៉ង់កំពុង«ដើរយឺតក៏ដោយ»។

អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីថ្ងៃព្រហស្បតិ៍ថា៖«យើងមានទំនាក់ទំនងដៃគូជិតស្និទ្ធជាមួយទីក្រុងតេអេរ៉ង់ ហើយតាមធម្មតា លោកប្រធានាធិបតី ពូទីន បាននិយាយថា យើងត្រៀមខ្លួនជាស្រេច ក្នុងការប្រើប្រាស់ភាពជាដៃគូកម្រិតនេះ ជាមួយទីក្រុងតេអេរ៉ង់ ដើម្បីជួយសម្រួល និងរួមចំណែកដល់ការចរចាដែលកំពុងដំណើរការ ដើម្បីដោះស្រាយបញ្ហានៃឯកសារនុយក្លេ    អ៊ែរអ៊ីរ៉ង់»។

នៅពេលសួរថាតើនៅពេលណាដែល លោក ពូទីន អាចចូលរួមក្នុងការចរចានោះ លោក Peskov បាននិយាយថា ការសន្ទនាជាមួយទីក្រុងតេអេរ៉ង់ និងទីក្រុងវ៉ាស៊ីនតោន បានបន្តតាមរយៈបណ្តាញផ្សេងៗ។

លោក Peskov បានបញ្ជាក់យ៉ាងច្បាស់ថា៖«លោកប្រធានាធិបតី នឹងអាចចូលរួមបាន នៅពេលដែលចាំបាច់។