នៅឆ្នាំ ២០២៧ ប្រទេសដាណឺម៉ាក នឹងបញ្ជូនអ្នកទោសបរទេសរបស់ខ្លួន ទៅកាន់ពន្ធនាគារប្រទេសកូ សូវ៉ូ ក្រោមកិច្ចព្រមព្រៀងតម្លៃ ២០០លានអឺរ៉ូ ដែលបានធ្វើឲ្យមានការព្រួយបារម្ភក្នុងចំណោមអង្គការក្រៅរដ្ឋាភិបាល និងអ្នកស្រុក ប៉ុន្តែដែលអាចធ្វើជាគំរូសម្រាប់សហភាពអឺរ៉ុបទាំងមូល។

កិច្ចព្រមព្រៀងដែលបានឈានដល់នៅឆ្នាំ ២០២២ និងបានអនុម័នដោយសមាជិកសភាកូសូវ៉ូ ក្នុងឆ្នាំ ២០២៤ ផ្តល់នូវការទទួលយកអ្នកទោសបរទេសរហូតដល់ ៣០០នាក់ ដែលត្រូវបានកាត់ទោស នៅក្នុងប្រទេសដាណឺម៉ាក។

ពួកគេមិនត្រូវត្រូវបានគេកាត់ទោសពីអំពើភេរវកម្ម ឬឧក្រិដ្ឋកម្មសង្រ្គាម ឬទទួលរងពីជំងឺផ្លូវចិត្ត ឬជំងឺដែលអាចបណ្តាលឲ្យស្លាប់។ នៅពេលដែលការកាត់ទោសរបស់ពួកគេ ត្រូវបានបញ្ចប់នៅកូសូវ៉ូ ពួកគេនឹងត្រូវនិរទេសទៅប្រទេសកំណើតរបស់ពួកគេ។

ក្នុងការដោះដូរនឹងគ្នានោះ ដាណឺម៉ាកនឹងបង់ប្រាក់ ២០០ លានអឺរ៉ូ (២៣០ លានដុល្លារ) ដែលច្រើនជាង ៦ដងនៃថវិកាប្រចាំឆ្នាំរបស់ក្រសួងយុត្តិធម៌របស់ប្រទេសកូសូវ៉ូ។

អ្នកជាប់ឃុំទាំងអស់ នឹងត្រូវដាក់ពន្ធនាគារ នៅក្នុងកន្លែងពិសេសមួយ នៅក្នុងភូមិ Pasjak មានចម្ងាយប្រហែល ៥០គីឡូម៉ែត្រ ភាគអាគ្នេយ៍នៃរដ្ឋធានី Pristina ដែលជាកន្លែងការងារជួសជុលមន្ទីរឃុឃាំងនេះ នឹងចាប់ផ្តើម ក្នុងពេលឆាប់ៗនេះ។