នៅថ្ងៃសុក្រនេះ ជនមូស្លីមនៅទូទាំងតំបន់មជ្ឈិមបូព៌ា និងអាហ្វ្រិកខាងជើង បានប្រារព្ធថ្ងៃដំបូងនៃពិធីបុណ្យ Eid al-Adha ។

នៅអេហ្ស៊ីប និងហ៊្សកដានី ជនមូស្លីម បានធ្វើពិធីបួងសួងនៅពេលព្រឹក ហើយក្រោយមកបានជួបជុំគ្នាជាមួយគ្រួសាររបស់ពួកគេ និងមិត្តភ័ក្តិនៅជុំវិញព្រះវិហារ ដោយមានការផ្តល់ជូនឥតគិតថ្លៃនូវបង្អែម ហើយជនមូស្លីមផ្សេងទៀត នាំគ្នាកាន់ប៉ោងប៉ោង ។

នៅប្រទេសទុយនីស៊ី ជនមូស្លីមបានដង្ហែរក្បួនឆ្លងកាត់ផ្លូវនៅក្រុងចាស់នៃទីក្រុង Tunis ជាការអភិរក្សប្រពៃណីរៀបចំពិធីបុណ្យរបស់ពួកគេ ។ ពិធីបានបញ្ចប់ទៅជាមួយការបួងសួងនៅព្រះវិហារក្នុងស្រុក ដើម្បីរក្សាទំនៀមទម្លាប់អាយុកាលរាប់សតវត្សរ៍ឲ្យបន្តរស់រាន ដែលបានធ្វើឲ្យសហគមន៍ជួបជុំគ្នា អំឡុងពេលដ៏ពិសិដ្ឋនេះ ។

ពិធីបុណ្យ Eid al-Adha ស្ថិតក្នុងចំណោមពិធីបុណ្យសំខាន់ៗចំនួន ២របស់អ៊ិស្លាមជាការប្រារព្ធពិធីធម្មយាត្រាប្រចាំឆ្នាំហាជិ ពេលដែលជនមូស្លីមនាំគ្នាសម្លាប់សត្វ ដើម្បីរំឭកដល់បំណងរបស់ព្យាការី Ibrahim ឬព្យាការី Ibrahim ដែលបានលះបង់កូនប្រុសរបស់ខ្លួនតាមបញ្ជារបស់ព្រះ ៕