នាយករដ្ឋមន្រ្តីឥណ្ឌាលោក Narendra Modi បានសម្ពោធន៍ដាក់ឲ្យប្រើប្រាស់ស្ពានផ្លូវរថភ្លើងខ្ពស់ជាងគេបំផុតនៅលើពិភពលោក ស្ថិតក្នុងដែនដីចាមមូ និងកាស្មៀរ នាថ្ងៃសុក្រនេះ ។

កសាងឡើងឆ្លងកាត់ទន្លេ Chenab ស្ពានមួយនេះក្លាយជាស្ពានផ្លូវរថយន្តដំបូងគេតភ្ជាប់តំបន់កាស្មៀរ ទៅកាន់តំបន់ផ្សេងទៀតរបស់ឥណ្ឌា ។

កម្ពស់ស្ពាន ៣៥៩ម៉ែត្រ ធ្វើឲ្យស្ពាននេះខ្ពស់ជាងប៉ម La Tour Eiffel និងមានបណ្តោយប្រវែង ១.៣១៥ម៉ែត្រ ។

រថភ្លើងល្បឿនលឿនជាងគេបំផុត Vande Bharat Express របស់ឥណ្ឌា ត្រូវបានគេមើលឃើញធ្វើដំណើរឆ្លងកាត់ស្ពាន Chenab ក្រោយលោក Modi ដោតទង់ជាតិនៅស្ថានីយរថភ្លើង Reasi ។

 លោក Modiបានសម្ពោធន៍ដាក់ឲ្យប្រើប្រាស់ផងដែរស្ពានរថភ្លើងខ្សែកាបលើកដំបូងរបស់ឥណ្ឌាដែលឆ្លងកាត់ទន្លេ Anji ។ វាត្រូវបានគេដាក់ឈ្មោះថាជាស្ពាន Anji Rail ៕