កំពង់ឆ្នាំង ៖ ប្រជាពលរដ្ឋក្រីក្រ និងចាស់ជរាចំនួន១០០គ្រួសារ រស់នៅក្នុងឃុំពេជ្រចង្វា ស្រុកបរិបូណ៌ ខេត្តកំពង់ឆ្នាំង នៅថ្ងៃទី០៧ ខែមិថុនា ឆ្នាំ២០២៥នេះ បានទទួលអំណោយពីសម្តេចមហាមន្ត្រី គុយ សុផល សមាជឹកគណៈអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា អនុប្រធានក្រុមការងារគណបក្សចុះមូលដ្ឋានខេត្តកំពង់ឆ្នាំង និងជាប្រធានក្រុមការងារថ្នាក់កណ្តាលចុះស្រុកបរិបូណ៌, ឯកឧត្តម កុល ប៊ុនលី ប្រធានក្រុមការងារគណបក្សចុះមូលដ្ឋានឃុំពេជ្រចង្វារ, ឯកឧត្តម សំ ប្រជាមានិត អនុប្រធានក្រុមការងារគណបក្សចុះមូលដ្ឋានឃុំពេជ្រចង្វារ និងឯកឧត្តម លោកជំទាវ លោក លោកស្រីជាក្រុមការងារគណបក្ស ព្រមទាំងប្រជាពលរដ្ឋក្រីក្រ ចាស់ជរា ប្រមាណជាង១០០នាក់ផងដែរ។ 

សម្តេចមហាមន្ត្រី គុយ សុផល បានមានប្រសាសន៍ថា៖ គណបក្សប្រជាជនកម្ពុជា គឺជាគណបក្សដែលបានដើរតួនាទីស្នូលយ៉ាងសំខាន់ក្នុងការសង្គ្រោះជាតិ ប្រជាជនចេញពីរបបខ្មែរក្រហម នាំយកសុខសន្តិភាពពេញលេញក្រោមការអនុវត្តនយោបាយឈ្នះឈ្នះដាក់ចុះដោយសម្តេចតេជោ ហ៊ុន សែន និងបានរួមសុខរួមទុក្ខជាមួយប្រជាពលរដ្ឋ ព្រមទាំងនាំមកនូវការអភិវឌ្ឍរីកចម្រើនលើគ្រប់វិស័យ កសាងកេរ្តិ៍ឈ្មោះ កិត្តិយស និងកិត្យានុភាពជាតិល្បីរន្ទឺនៅក្នុងតំបន់ និងនៅលើសកលលោក។ គណបក្សប្រជាជនកម្ពុជានឹងបន្តដើរតួនាទីស្នូលយ៉ាងសំខាន់នេះក្នុងការថែរក្សាសុខសន្តិភាព ការអភិវឌ្ឍន៍ដែលកម្ពុជារកបានដោយពិបាកនេះ ឱ្យនៅស្ថិតស្ថេរគង់វង្ស ដើម្បីផ្តល់ឱកាសពេញលេញដល់ជាតិ និងប្រជាជនកម្ពុជាក្នុងការបន្តអភិវឌ្ឍជាតិឱ្យរីកចម្រើនកាន់តែខ្លាំងថែមទៀត។ រាជរដ្ឋាភិបាលកម្ពុជា ដែលដឹកនាំដោយគណបក្សប្រជាជន និងមានសម្តេចធិបតី ហ៊ុន ម៉ាណែត នាយករដ្ឋមន្ត្រី បានបន្តយកចិត្តទុកដាក់លើសុខទុក្ខប្រជាពលរដ្ឋទាំងអស់ គ្រប់ទីកន្លែង និងគ្រប់ពេលវេលា។ 

ប្រជាពលរដ្ឋបានអោយដឹងថា៖ ប្រជាពលរដ្ឋក្រីក្រ និងចាស់ជរាទាំង១០០គ្រួសារសប្បាយចិត្ត និងបានថ្លែងអំណរគុណដល់សម្តេច និងក្រុមការងារដែលតែងតែយកចិត្តទុកដាក់ចុះជួបសួរសុខទុក និងជួយប្រជាពលរដ្ឋតាមមូលដ្ឋានបែបនេះ។ ពួកគាត់ពិតជាអរគុណយ៉ាងខ្លាំងដល់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា ដែលជានិច្ចកាលតែងគិតគូរពីសុខទុក្ខប្រជាពលរដ្ឋជួបការលំបាក និងបានជួយដោះស្រាយទុក្ខលំបាកប្រជាពលរដ្ឋនៅគ្រប់ទីកន្លែង គ្រប់កាលៈទេសៈ មិនប្រកាន់និន្នាការនយោបាយ។ នៅថ្ងៃនេះ សម្តេចមហាមន្ត្រី គុយ សុផល និងក្រុមការងារគណបក្សប្រជាជន បានចុះមកដល់មូលដ្ឋានឃុំពេជ្រចង្វា ស្រុកបរិបូណ៌ និងបាននាំយកមកនូវអំណោយ និងថវិកាមួយចំនួនជួយដល់សុខទុក្ខប្រជាពលរដ្ឋក្រីក្រ៕ កាំង ហុងវាស្នា