អាជ្ញាធរអាកាសធាតុ កំពុងជំរុញឱ្យប្រជាជននៅតំបន់Kyushuភាគខាងត្បូង ភាគនិរតីប្រទេសជប៉ុន ត្រៀមទប់ទល់សម្រាប់ភ្លៀងធ្លាក់ខ្លាំង។ អាជ្ញាធរនិយាយថា ដុំពពកភ្លៀងធ្លាក់ខ្លាំង អាចកើតឡើងលើតំបន់នេះរហូតដល់ល្ងាចថ្ងៃចន្ទនេះ។

ទីភ្នាក់ងារឧតុនិយមបាននិយាយថា ខ្យល់សំណើម កំពុងបក់ឆ្ពោះទៅរកភ្លៀងធ្លាក់តាមរដូវកាល ដែលស្ថិតនៅភាគខាងត្បូងប្រទេសជប៉ុន។ ទីភ្នាក់ងារនិយាយថា វាកំពុងធ្វើឱ្យស្ថានភាពបរិយាកាសប្រែប្រួលខ្លាំង ជាពិសេសនៅភាគខាងលិចប្រទេសជប៉ុន។

ទីភ្នាក់ងារនេះ ក៏និយាយផងដែរថា រហូតមកដល់ល្ងាចថ្ងៃចន្ទនេះ ដុំពពកភ្លៀងធ្លាក់ខ្លាំង អាចកើតឡើង និងបណ្តាលឱ្យមានភ្លៀងធ្លាក់ខ្លាំង ជាពិសេសនៅក្នុងខេត្ត Kagoshima នៅភាគខាងត្បូងតំបន់ Kyushu ។

ទីភ្នាក់ងារនិយាយថា ភ្លៀងធ្លាក់ខ្លាំង រួមជាមួយផ្គររន្ទះនៅតាមតំបន់ ក៏ត្រូវបានរំពឹងទុកផងដែរ នៅតំបន់ភាគខាងជើងតំបន់ Kyushu។ ក្នុងរយៈពេល២៤ម៉ោងបន្ទាប់ រហូតដល់ព្រឹកថ្ងៃអង្គារ ទឹកភ្លៀងកម្រិត២០០មីលីម៉ែត្រ ត្រូវបានគេរំពឹងថានឹងធ្លាក់នៅតំបន់ភាគខាងត្បូងតំបន់ Kyushu។

មន្ត្រីឧតុនិយមបានអំពាវនាវឲ្យប្រជាជនប្រុងប្រយ័ត្នខ្ពស់ ព្រោះអាចនឹងមានបំណាក់ដី ទឹកជំនន់នៅតំបន់ទំនាប ទឹកទន្លេហក់ឡើងនៅកន្លែងមួយចំនួន មានផ្គររន្ទះ ខ្យល់កន្ត្រាក់ និងព្យុះសង្ឃរា។