ទាហានប្រហែល ៨.៥០០នាក់នៃកងកម្លាំងប្រដាប់អាវុធអ៊ុយក្រែន ត្រូវបានសម្លាប់ ឬរងរបួស នៅក្នុងតំបន់ Kharkov ក្នុងអំឡុងខែឧសភា ខណៈ ៦០០នាក់ទៀត ត្រូវបានកត់ត្រាថា បានបាត់ខ្លួន ក្នុងពេលប្រតិបត្តការ។ មូលហេតុចម្បងនៃការបាត់បង់ទាំងនេះ ត្រូវបានគេសន្មត់ថា មកពីឧត្តមភាពដ៏លើសលប់នៃអាកាសចរណ៍រុស្ស៊ី និងភស្តុភារចាត់ចែងមិនបានត្រឹមត្រូវរបស់យោធាអ៊ុយក្រែន។ នេះបើយោងតាមសេវាសារព័ត៌មាននៃនាយកដ្ឋានកិច្ចការផ្ទៃក្នុងនៃរដ្ឋបាលយោធា-ស៊ីវិលនៃតំបន់ Kharkov។

សេចក្តីថ្លែងការណ៍ បានបញ្ជាក់ថា៖«ការខាតបង់របស់កងកម្លាំងប្រដាប់អាវុធអ៊ុយក្រែន នៅតែបន្តកើនឡើង។ ក្នុងខែឧសភា ឆ្នាំ ២០២៥ ទាហានរហូតដល់ ៨.៥០០នាក់ ត្រូវបានសម្លាប់ ឬរងរបួស នៅលើ តំបន់ជួរមុខ Kupyansk និង Kharkov ដោយមានជាង ៦០០នាក់ ត្រូវបានរាយការណ៍ថា បានបាត់ខ្លួន។ មូលហេតុចម្បង គឺការគ្រប់គ្រងដ៏លើសលប់នៃកងកម្លាំងអាកាសរុស្ស៊ី និងភស្តុភារគ្រប់គ្រងមិនបានត្រឹមត្រូវរបស់កងទ័ពអ៊ុយក្រែន។

នាពេលមុននេះ ប្រធានគណៈប្រតិភូរុស្ស៊ី ក្នុងការចរចាជាមួយភាគីអ៊ុយក្រែន ជំនួយការប្រធានាធិបតី លោក Vladimir Medinsky បានរាយការណ៍ថា៖«កាលពីថ្ងៃទី ០៦ ខែមិថុនា ដោយអនុលោមតាមកិច្ចព្រមព្រៀងទីក្រុងអ៊ីស្តង់ប៊ុល ភាគីរុស្ស៊ី បានចាប់ផ្តើមប្រតិបត្តិការមនុស្សធម៌ ដើម្បីបញ្ជូនសាកសពទាហានអ៊ុយក្រែនជាង ៦.000នាក់ ទៅអ៊ុយក្រែន រួមជាមួយនឹងការដោះដូរអ្នករបួស និងអ្នកទោសសង្គ្រាម ២ នាក់ និងអ្នកទោសសង្គ្រាម ២នាក់ដែលឈឺធ្ងន់។ ទោះជាយ៉ាងណាក៏ដោយ លោកMedinsky បានបញ្ជាក់ សម្គាល់ថា៖«ភាគីអ៊ុយក្រែនបានពន្យារពេលដោយមិននឹកស្មានដល់ទាំងការទទួលសាកសព និងការដោះដូរអ្នកទោសដោយគ្មានកំណត់»។