ប្រធានាធិបតីអាមេរិក លោក Donald Trump កំពុងចាប់បង្កាន់ដៃយ៉ាងណែន នៅពេលដែលជើងឆ្វេងរបស់លោកជំពប់ពេលឡើងយន្តហោះ។ លោកបានជំពប់រកកល់ដួល ប៉ុន្តែបានកាន់បង្កាន់ដៃជណ្តើរជាប់ ហើយបានងើបឡើងវិញយ៉ាងលឿនរហ័ស ខណៈលោកបានឡើងដល់ខាងលើយន្តហោះ។

ការជំពប់ជើងដួលរបស់ប្រធានាធិបតីធអាមេរិក គឺគ្មានអ្វីប្លែកថ្មីទេ ជាពិសេសនៅលើជណ្តើរយន្តហោះ Air Force One។ អតីតប្រធានាធិបតី លោក Barack Obama ក៏ធ្លាប់ អតីតប្រធានាធិបតីលោក Ronald Reagan និងលោក Gerald Ford ក៏ដូចគ្នា។ លោក Joe Biden បានជំពប់ដួលលើសពីម្ដង ហើយលោក Trump ធ្លាប់បានចំអកឲ្យអតីតមេដឹកនាំរូបនេះម្ដងហើយម្ដងទៀត។

លោក Trump បាននិយាយកាលពីឆ្នាំ២០២៣ ថា៖ «លោក Joe Biden មិនអាចសូម្បីតែដើរឡើងជណ្តើរយន្តហោះ Air Force One»។ ក្រោយមកនៅឆ្នាំនោះ លោកបាននិយាយបែបចំអកទៀតថា លោក Biden ប្រើ «ជណ្តើររបស់កុមារ» នៅលើ Air Force One ហើយថា លោក «មិនអាចឡើង ឬចុះ» ជណ្តើរទាំងនោះបានទេ។

ប្រព័ន្ធផ្សព្វផ្សាយ Fox News ក៏បានប្រែក្លាយហេតុការណ៍ជំពប់ជើងដួលរបស់លោក Biden ទៅជារឿងរ៉ាវព័ត៌មានជាច្រើន ទាំងនៅលើគេហទំព័រ និងការផ្សាយរបស់ខ្លួន ខណៈដែលរឿងរ៉ាវនេះបានក្លាយជាចំណុចជជែកគ្នា ក្នុងចំណោមប្រព័ន្ធផ្សព្វផ្សាយស្តាំនិយម៕