កងទ័ពអាកាសអ៊ុយក្រែន បាននិយាយនៅថ្ងៃចន្ទនេះថា រុស្ស៊ីបានបាញ់បង្ហោះយានដ្រូនចំនួន ៤៧៩ គ្រឿងទៅលើប្រទេសអ៊ុយក្រែន ក្នុងសង្រ្គាមការវាយប្រហារដោយយានដ្រូនទ្រង់ទ្រាយធំបំផុត នៅពេលយប់របស់កងទ័ពអាកាសរបស់ទីក្រុងគៀវ។

ក្រៅពីយានដ្រូនទាំងនោះ មីស៊ីល ២០ប្រភេទផ្សេងគ្នា ត្រូវបានបាញ់នៅផ្នែកផ្សេងៗនៃអ៊ុយក្រែន។ នេះបើយោងតាមកងកម្លាំងអាកាស ដែលបាននិយាយថា របាំងការពារ បានផ្តោតសំខាន់លើតំបន់ភាគកណ្តាល និងភាគខាងលិចនៃប្រទេសអ៊ុយក្រែន។

សេចក្តីថ្លែងការណ៍របស់កងកម្លាំងអាកាស បានឲ្យដឹងថា ការការពារដែនអាកាសរបស់អ៊ុយក្រែន បានបំផ្លាញយានដ្រូនចំនួន ២៧៧គ្រឿង និងមីស៊ីលចំនួន ១៩គ្រឿង ក្នុងពាក់កណ្តាលហោះហើរ ដោយអះអាងថា មានតែយានដ្រូន ឬមីស៊ីលចំនួន ១០គ្រឿង ប៉ុណ្ណោះបានវាយប្រហារចំគោលដៅរបស់ពួកគេ។ ពុំមិនអាចផ្ទៀងផ្ទាត់ការអះអាងនោះ ដោយឯករាជ្យបានទេ។

ការវាយប្រហារតាមអាកាសរបស់រុស្សី ជាធម្មតាចាប់ផ្តើមនៅពេលល្ងាច និងបញ្ចប់នៅពេលព្រឹក ព្រោះយានដ្រូនពិបាកមើលនៅកន្លែងងងឹត។

រុស្ស៊ីបានវាយលុកតំបន់ស៊ីវិលរបស់អ៊ុយក្រែនដោយឥតឈប់ឈរ ជាមួយនឹងយានដ្រូន Shahed ក្នុងអំឡុងពេលសង្រ្គាមជាង ៣ឆ្នាំ។ ការវាយប្រហារនេះ បានសម្លាប់ជនស៊ីវិលអ៊ុយក្រែនជាង ១២.000 នាក់ នេះបើយោងតាមអង្គការសហប្រជាជាតិ។

រុស្ស៊ីនិយាយថា ខ្លួនកំណត់គោលដៅយោធាតែប៉ុណ្ណោះ។