ប្រភពសន្តិសុខ និងការពារស៊ីវិល បាននិយាយថា សមាជិកក្រុមហេសបូឡាម្នាក់ ត្រូវបានសម្លាប់ និងជនស៊ីវិលលីបង់បីនាក់ បានរងរបួសកាលពីថ្ងៃអាទិត្យ នៅក្នុងការវាយប្រហារតាមអាកាសរបស់អ៊ីស្រាអែល ដែលកំណត់គោលដៅទោលើម៉ូតូមួយគ្រឿង នៅលើផ្លូវ Chehabiyeh-Kfar Dounin ភាគខាងត្បូងប្រទេសលីបង់។  

ប្រភពសន្តិសុខលីបង់ ដែលនិយាយក្នុងលក្ខខណ្ឌមិនបញ្ចេញឈ្មោះ បានបញ្ជាក់ប្រាប់សារព័ត៌មានស៊ីនហួថា ជនរងគ្រោះ ត្រូវបានគេស្គាល់ថា Ali Shafiq Qanso សមាជិកក្រុមហេបូឡាមកពីទីក្រុង Chehab  iyeh។ លោកបានបន្ថែមថា ជនស៊ីវិលបីនាក់ បានឆ្លងកាត់ នៅពេលនៃការវាយប្រហារតាមអាកាសបានកើតឡើង។

ប្រភពពីក្រសួងការពារជនស៊ីវិលរបស់ប្រទេសលីបង់ បានប្រាប់ស៊ីនហួថា ក្រុមជួយសង្គ្រោះ បានដឹកសាកសពជនរងគ្រោះ និងអ្នករបួស បីនាក់ ទៅកាន់មន្ទីរពេទ្យ នៅភាគខាងត្បូងទីក្រុង Tyre ដោយបន្ថែមថា អ្នករបួសម្នាក់ ស្ថិតក្នុងស្ថានភាពធ្ងន់ធ្ងរ។

យោងតាមទីភ្នាក់ងារសារព័ត៌មានជាតិរបស់ប្រទេសលីបង់ បានឲ្យដឹងថា យានដ្រូនរបស់អ៊ីស្រាអែល បានត្រូវចំម៉ូតូ ដោយមីស៊ីលចំនួនពីរគ្រាប់ ធ្លាក់នៅលើផ្លូវ Chehabiyeh-Kfar Dounin បានបណ្តាលឲ្យមនុស្សម្នាក់ស្លាប់ និងរងរបួសជាច្រើននាក់។