តំណាងអចិន្ត្រៃយ៍រុស្ស៊ីប្រចាំនៅអង្គការសហប្រជាជាតិ លោក Vasily Nebenzya បាននិយាយកាលពីថ្ងៃអង្គារថា ប្រទេសរុស្ស៊ីគាំទ្រអធិបតេយ្យភាពរបស់ប្រទេសអ៊ីរ៉ាក់ និងប្រឆាំងនឹងការបង្វែរប្រទេសនេះ ទៅជាវេទិកាមួយសម្រាប់ជម្លោះគោលនយោបាយការបរទេស។

លោក Nebenzya បាននិយាយនៅឯកិច្ចប្រជុំអង្គការសហប្រជាជាតិស្តីពីស្ថានភាព នៅក្នុងប្រទេសអ៊ីរ៉ាក់ថា៖«យើងបង្ហាញការគាំទ្ររបស់យើងចំពោះអធិបតេយ្យភាពរបស់ប្រទេសអ៊ីរ៉ាក់ និងប្រឆាំងនឹងការជ្រៀតជ្រែកពីខាងក្រៅណាមួយ នៅក្នុងកិច្ចការផ្ទៃក្នុងរបស់ប្រទេសនេះ» ។ «សាធារណរដ្ឋនេះ មិនត្រូវប្រែទៅជាវេទិកាសម្រាប់ការសងសឹកជាមួយតួអង្គខាងក្រៅទេ។

អ្នកការទូតរុស្ស៊ីរូបនេះ ក៏បានស្វាគមន៍ចំពោះសកម្មភាពរបស់ថ្នាក់ដឹកនាំអ៊ីរ៉ាក់ ដែលមានគោលបំណងរារាំងប្រទេសនេះ ពីការធ្លាក់ចូលទៅក្នុងវិបត្តិក្នុងតំបន់ ចំពេលមានការកើនឡើងនៃជម្លោះប៉ាឡេស្ទីន-អ៊ីស្រាអែល។

យោងតាមលោកបានឲ្យដឹងថា «គន្លឹះនៃស្ថិរភាពទាំងស្រុងនៅមជ្ឈិមបូព៌ា គឺជាដំណោះស្រាយត្រឹមត្រូវចំពោះបញ្ហាប៉ាឡេស្ទីនផ្អែកលើមូលដ្ឋានច្បាប់អន្តរជាតិ ដែលត្រូវបានទទួលស្គាល់ជាសកល អនុលោមតាមរូបមន្តរដ្ឋពីរ»។

លោក Nebenzya ជាថ្មីម្តងទៀត បានអំពាវនាវឲ្យមានបទឈប់បាញ់ជាបន្ទាន់ និងដោយគ្មានលក្ខខណ្ឌ ការដោះលែងអ្នកដែលត្រូវបានឃុំខ្លួនដោយបង្ខំទាំងអស់ ក៏ដូចជាសម្រាប់ការចូលជំនួយមនុស្សធម៌ទៅដល់តំបន់ហ្កាហ្សា ប្រកបដោយសុវត្ថិភាព និងគ្មានការរារាំង។