​

អ្នកនាំពាក្យវិមានក្រឹមឡាំងលោក Dmitry Peskov និយាយនៅថ្ងៃពុធនេះថា កិច្ចប្រជុំរវាងរុស្ស៊ី និងសហរដ្ឋអាមេរិក ដែលមានបំណងធ្វើឲ្យល្អប្រសើរឡើងទំនាក់ទំនង និងធ្វើឲ្យលែងមានភាពក្តៅក្រហាយ នឹងបន្តធ្វើឡើង ប៉ុន្តែពុំរំពឹងថានឹងផ្តល់លទ្ធផលភ្លាមៗនោះទេ ។

ឯកអគ្គរដ្ឋទូតថ្មីរបស់រុស្ស៊ីប្រចាំនៅទីក្រុងវ៉ាស៊ីនតោន និយាយប្រាប់ទីភ្នាក់ងារព័ត៌មានរដ្ឋ TASS ថា កិច្ចប្រជុំរវាងសហរដ្ឋអាមេរិក និងរុស្ស៊ីលើការដោះស្រាយបញ្ហាក្នុងទំនាក់ទំនងទ្វេភាគី នឹងប្តូរមកកាន់ទីក្រុងម៉ូស្គូ ពីទីក្រុងអ៊ីស្តង់ប៊ុល ។

សង្រ្គាមនៅអ៊ុយក្រែន បង្កឲ្យមានការប្រឈមដាក់គ្នាធំបំផុតរវាងទីក្រុងម៉ូស្គូ និងលោកខាងលិច ចាប់តាំងពីសង្រ្គាមត្រជាក់ ។ ក្រុមមន្រ្តីការទូតជាន់ខ្ពស់នៅទីក្រុងម៉ូស្គូ និងនៅទីក្រុងវ៉ាស៊ីនតោន បាននិយាយប្រាប់ទីភ្នាក់ងារព័ត៌មានរ៉យទ័រកាលពីឆ្នាំ ២០២៤ថា ពួកនឹងមិនរំឭកដល់ទំនាក់ទំនងដែលធ្លាប់ល្អក់កករនោះទេ ។

រដ្ឋបាលរបស់ប្រធានាធិបតីសហរដ្ឋអាមេរិកលោក Donald Trump ចាត់ទុកជម្លោះអ៊ុយក្រែនថាជាសង្រ្គាមប្រូកស៊ីរវាងសហរដ្ឋអាមេរិក និងរុស្ស៊ី ហើយលោក Trumpបានគំរាមម្តងហើយម្តងទៀតពីហានិភ័យនៃការកើនឡើងទៅជាសង្រ្គាមត្រជាក់ ៕