ភ្នំពេញ៖ សមាគមសិល្បៈអប្សរា បានរៀនចំកម្មវិធីសំពះគោរពដឹងគុណគ្រូ ដែលរៀបចំឡើងដោយអ្នកនាងសួស វីហ្សា អតីតសិស្សរបាំនិងអតីតសិស្សគ្រប់ជំនាន់ទាំងអស់។
នៅព្រឹកថ្ងៃទី២៣ ខែធ្នូ ឆ្នាំ២០២១ នេះសមាគមសិល្បៈអប្សរាមានរៀនចំកម្មវិធីសំពះគោរពដឹងគុណគ្រូ ដែលរៀបចំឡើងដោយអ្នកនាងសួស វីហ្សា អតីតសិស្សរបាំ និងអតីតសិស្សគ្រប់ជំនាន់ទាំងអស់។
ជាមួយគ្នានោះអ្នកគ្រូ វង្ស មេទ្រី ប្រធានសមាគមន៍សិល្បៈអប្សរាបានផ្ដល់បទសម្ភាសន៍តាមរយៈBTVថា អ្នកគ្រូបានបង្កើតសមាគមនេះឡើង ដើម្បីជួយទៅដល់សិស្សទីទាល់ក្រដែលបំណងចង់សិក្សាផ្នែករបាំនេះ។
ស្របគ្នានោះដែរ តារាចម្រៀងស្រីប្រចាំផលិតកម្មហង្សមាសអ្នកនាង សួស វីហ្សា រូបនេះ ក៏បាន ប្រាប់មូលហេតុដែលអ្នកនាងរៀបចំពិធីនេះឡើងក៏ព្រោះ កាលពីអ្នកនាងនៅតូច ធ្លាប់សន្យានឹងខ្លួនឯងថា បើពេលណាអ្នកនាងមានជីវភាពធូរធារ អាចមានលទ្ធភាព អ្នកនាងនឹងស្វែងរកលោកគ្រូអ្នកគ្រូទាំងអស់ ដើម្បីធ្វើការគោរពដឹងគុណចំពោះពួកគាត់ ឥឡូវនេះដល់វេលាដែលអ្នកនាងធ្វើតាមសន្យាហើយ។
ស្របពេលជាគ្នានោះដែលអ្នកនាង សួសវិស្សា ក៏បានសំណូពរ សិស្សប្អូនជំនាន់ដែលកំពុងតែសិក្សាពីរបាំបុរាណ នឹងប្អូនៗដែលមានបំណងចង់ហាតរៀន សូមអោយបន្តងនៅក្នុងហាត់រៀននឹងជួយថែរក្សារបាំបុរាណយើង ព្រោះថា គឺមានតែយើងដែលជាក្មេងជំនាន់ក្រោយដែលជាអ្នកបន្តវេន នៅវប្បធម៌ដ៏ផូរផង់មួយនេះ។
សូមបញ្ជាក់ផងដែរថា តារាចម្រៀងរូបនេះ បានឃ្លាតឆ្ងាយពីសាលានេះអស់រយៈពេល១៥ឆ្នាំមកហើយ អ្វីដែលធ្វើឲ្យអ្នកនាងរំភើបចិត្តនាពេលនេះ គឺពេលបានមកឃើញទិដ្ឋភាពផ្ទាល់របស់សាលារបាំនេះ គឺហាក់មានសភាពទ្រុឌទ្រោមចាស់ណាស់ទៅហើយ។
អ្នកនាងបានបន្ថែមទៀថា អ្នកនាងអាចជួយជួសជុលត្រង់ផ្នែកខ្លះៗដែលខូចខាតមួយចំនួននៅបរិវេណសាលានេះទៀតផង៕ អត្តបទ៖ អេណា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
