គណៈកម្មាធិការសមាគមអតីតយុទ្ធជនកម្ពុជាខេត្តកំពង់ធំ នៅព្រឹកថ្ងៃទី ១២ ខែមិថុនា ឆ្នាំ​២០២៥ បានរៀបចំប្រារព្ធពិធីខួបលើកទី១៨ ទិវាអតីតយុទ្ធជនកម្ពុជា ២១ មិថុនា ២០២៧ - ២១ មិថុនា ២០២៥ នៅលើទីតាំងដីសម្បទានសង្គមកិច្ច ដែលជាភូមិថ្មីសម្រាប់អតីតយុទ្ធជន ស្ថិតនៅឃុំក្រយា ស្រុកសន្ទុក ខេត្តកំពង់ធំ។

ពិធីនេះប្រព្រឹត្តទៅក្រោមវត្តមានឯកឧត្ដម នួន ផារ័ត្ន អភិបាលខេត្តកំពង់ធំ និងជាប្រធានកិត្តិយស ស.អ.ក ខេត្ត, លោកឧត្តមសេនីយ៍ទោ សោម ស៊ុន មេបញ្ជាការតំបន់​ប្រតិបត្តិការ​សឹក​រង​ខេត្ត​កំពង់ធំ ​និងជាប្រធានគណៈកម្មាធិការ ស.អ.ក ខេត្ត ព្រមទាំង​មាន​ការ​ចូលរួមពី​លោក​ស្នង​ការ​នគរបាល​ខេត្ត, លោកមេបញ្ជាការកងរាជអាវុធហត្ថខេត្ត និងតំណាងមន្ទីរ-អង្គភាព​ជុំវិញ​ខេត្ត​ជា​ច្រើន​នាក់​។

នៅក្នុងពិធីនេះដែរ សម្តេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង​លោកជំទាវ តាមរយៈមន្ទីរសង្គមកិច្ចអតីតយុទ្ធជន និងយុវនិតិសម្បទាខេត្តកំពង់ធំ បាន​ឧបត្ថម្ភ​ជូន​បងប្អូនអតីតយុទ្ធជនចំនួន ២០៦ គ្រួសារ ដែលបានចូលរួមក្នងពិធីនេះ ដោយ​ក្នុង​មួយ​គ្រួសារ​ទទួលបាននូវអង្ករចំនួន ២៥ គីឡូក្រាម ត្រីខកំប៉ុង១យួរ ទឹកត្រី១យួរ និងភួយ​ដណ្ដប់​ចំនួន​មួយ​ផង​ដែរ៕