ស្នងការនគរបាលក្រុង Ahmedabad ជាទីដែលយន្តហោះបានធ្លាក់ និយាយថា ទំនងជាគ្មានអ្នករស់រាននោះទេ នៅលើយន្តហោះដឹកអ្នកដំណើរហោះហើរឆ្ពោះទៅកាន់ទីក្រុងឡុងដ្រ៍ ចក្រភពអង់គ្លេស ជាមួយមនុស្ស ២៤២នាក់ ពេលវាធ្លាក់ភ្លាមៗក្រោយហោះឡើង ។ គ្រោះថ្នាក់នៅលើដី រួមទាំងនិស្សិតពេទ្យផងដែរ ។

ជើងហោះហើរ AI171របស់ក្រុមហ៊ុនអាកាសចរណ៍ឥណ្ឌា បានធ្វើការហៅភ្លាមៗចេញពីអាកាសយានដ្ឋានក្រុង Ahmedabad ។ អ្នកដំណើរទាំង ២៤២នាក់នៅលើយន្តហោះ រួមមានក្មេងៗ ១១នាក់ អ្នកបើកបរយន្តហោះ ២នាក់ និងសមាជិកយានិក ១០នាក់ ។ នៅក្នុងចំណោមពួកគេ មានជនជាតិឥណ្ឌា ១៦៩នាក់ ជនជាតិអង់គ្លេស ៥៣នាក់ ជនជាតិកាណាដាម្នាក់ និងជនជាតិព័រទុយហ្គាល់ ៧នាក់ ។ គ្រោះថ្នាក់ជាច្រើន ត្រូវបានគេព្រួយបារម្ភថានឹងកើតមាន ។

យោងតាមការចុះផ្សាយរបស់ទូរទស្សន៍ CNN News-18 TV របស់ឥណ្ឌា បានឲ្យដឹងថា យន្តហោះនេះ បានធ្លាក់លើអគារស្នាក់នៅរបស់និស្សិតពេទ្យ ដោយបានសម្លាប់និស្សិតពេទ្យក្នុងចំនួនមិនច្បាស់លាស់ ក្នុងនោះនិស្សិតពេទ្យចន្លោះពី ៥០-៦០នាក់ ត្រូវបាននាំទៅកាន់មន្ទីរពេទ្យ ហើយនិស្សិត ៥នាក់ កំពុងបាត់ខ្លួន ក្នុងនោះនិស្សិត ២នាក់ កំពុងស្ថិតក្នុងស្ថានភាពធ្ងន់ធ្ងរ ។

នគរបាល និយាយថា ទំនងជាគ្មានអ្នករស់រាននោះទេ បន្ថែមពីលើគ្រោះថ្នាក់នៅដី ហើយគេហទំព័រតាមដានផ្លូវអាកាស Flightradar24និយាយថា ពួកគេទទួលបានសញ្ញាចុងក្រោយពីយន្តហោះនៅលើរយៈកម្ពស់ ១៩០ម៉ែត្រ រយៈពេលប៉ុន្មានវិនាទីប៉ុណ្ណោះ ក្រោយពេលវាហោះឡើង ៕